Home EduTek Joven 18 Hetan Graduasaun Iha Area Eletrisidade Iha Centro Formasaun Tibar

Joven 18 Hetan Graduasaun Iha Area Eletrisidade Iha Centro Formasaun Tibar

202
0
Sekretáriu Estadu Formasaun Profesional no Empregu entrega sertifikadu ba estudante ne'ebe graduadu. [Foto: Jhon Lelobere | 09.08.2018]

Sekretáriu Estadu Formasaun Profesional no Empregu [SEFOPE], Julião da Silva fahe sertifikadu ba graduadu nain 18, iha area eletrisidade no industria.

Iha seremonia entrega sertifikadu ne’e, Julião da Silva hateten, iha mandatu ida ne’e, SEFOPE iha komitmentu boot atu investe makaas iha area formasaun professional, hodi prepara juventude sira, hodi kompete iha merkadu trabalhu rejional no mundiaul, tanba ne’e Sekretaria Estadu garante katak, graduadu sira ne’ebe aprende ona iha CNEFP Tibar, sei bele responde nesesidade industria rai laran no presiza duni kontinuasaun ba iha future, hodi forma barak liu tan iha area refere.

Julião mos rekonnese katak sedauk iha kurikulum nasional hanesan padraun ida ne’ebe bele regulariza metodu aprendizazen iha centru formasaun hotu, maske nune’e liu husi decretu lei No.8/2008 dia Fevereiru, hodi kria Institutu Desenvolvimentu Mão de Obra [INDMO] ne’ebe hare kona ba reszstu no akredita centru de formasaun professional sira, no dekretu lei No.36/2011 ne’ebé aprova kona ba sistema kualifikasaun nasional iha Timor Leste.

Dekretu lei rua ne’e hanesan base fundamental, ne’ebe bele garantia kualidade Mão de Obra Timor nian, hodi bele responde nesesidade industria.

Iha fatin hanesan ba loron gradusaun, ne’ebe realiza iha loton 09/08, Direitor Sentru Formasaun Tibar, Simão hatoo deskursu katak, apresia tebes ba servisu makas no hatudu rezultadu ne’ebe diak no fo rekonnesementu ba sira.

Simao informa katak iha Centru Formasaun Tibar, alende formasaun konaba eletrisidade no instrumasaun, iha mos formasaun konaba hospitalidade turimo nivel mediu.

Graduadu Juvelino Fernandes, orgullhu ho sertifikdu ne’ebe nia simu, ne’ebe hetan suporta hosi Conoco Philips. Formasaun ne’ebe sira tuir durante tinan ida, no Juvelino aprende konaba eletrisidade, instrument no espesialidade liu iha mina no gas.

Juvelino deklara katak , Conoco Philips no ANPP forma ona sira, no prontu atu servisu ba rai ida nee’e, no sira prontu bainhira kompania sira atu bolu, hodi ba halo servisu iha area ne’ebe sira aprende ona.

Total 72 centro formasaun ne’ebe rejistradu no total 25 mak hetan ona akreditasaun hosi SEFOPE. * [Jhon Lelobere | Editor: Zevonia Vieira | NEON METIN | 10.08.2018]

LEAVE A REPLY

Please enter your comment!
Please enter your name here