Home Notisia Lere Apela Ba Militante FRETILIN Uatulari Hodi Vota Nia

Lere Apela Ba Militante FRETILIN Uatulari Hodi Vota Nia

225
0
Kandidatu Prezidente Republika Lere Anan Timur. [foto: Media Ekipa Susesu | 24.02.2022]

Reportajen Silvino Freitas

Kandidatu Prezidente Republika númeru 8,  Lere Anan Timur apela ba estrutura FRETILIN postu administrativu Uatulari tomak, atu lalika tauk hodi vota ba nia tanba Timor funu dala ida de’it labele iha tan funu.

“Ha’u lakohi povu Timor-Leste fakar raan dala ida tan, tanba ne’e mak iha ha’u-nia prezidénsia, ha’u sei kria de’it mak paz, maski iha Konstituisaun Repúblika Timor-Leste, kompeténsia Presidente nian mós deklara funu, maibé ha’u sei la deklara funu, ha’u sei deklara de’it paz” hateten Lere iha komunikadu imprensa ne’ebé Neon-Metin asesu, (24/02).

Tuir nia maski iha dúvida kona-ba nia kandidatura, tanba la hetan apoiu husi Comité Central FRETILIN, maibé nia hakarak deklara nafatin ba públiku, atu labele pániku hili nia tamba FRETILIN hatuur nanis ona iha nia leet husi isin no klamar tomak.

“Iha funu laran, la iha ema ida mak tula liman mai ha’u ha’u-nia povo ki’ik no kiak sira ne’e mak tula liman mai ha’u, liu husi veteranu sira, kaixa klandestina, no joven sira,” subliña Lere.

Tuir Lere maske nia la hetan tula liman husi lider nasionál hanesan Lu-olo ne’ebé tula husi Marí Alkatiri no Ramos Horta ne’ebé tula husi Xanana Gusmão, maibe veteranu sira no povu Timor tomak mak tula liman ba nia kandidatura ba Prezidente Repúblika

Print Friendly, PDF & Email

LEAVE A REPLY

Please enter your comment!
Please enter your name here