Reportajen Francisco Colo
Sekretáriu Estadu Juventude no Desportu (SEJD), Abrão Tóksiku Saldanha hasoru malu ho Embaixadór Indonesia, Okto Dorenus Manik, hodi diskute kona-ba kooperasaun Timor-Leste ho Indonesia, liuliu iha área desportu no renova fila fali akordu memorandu ne’ebé mate ona/expire ona iha tinan kotuk.
“Embaxaidor foin mai husi Indonesia fulan tolu entaun ita hakarak diskuti fali ho embaxador atu haree fila fali kooperasaun sira ne’ebé mak antes ne’e ita Timor-Leste SEJD hamutuk ho embaxada Indonesia ita halo moris fila fali tanba akordu memorandu entendimentu ne’e mate ona iha tinan kotuk expire ona tinan kotuk tinan 5 liu ona, ita mai atu esplora fila fali kooperasaun sira hoi ta nia vizinus.” Dehan Sekretáriu Estadu Juventude no Desportu Abrão Nokosiku Saldanhahafoin remata enkotru ho embaxada indonesia iha salaun SEJD bidau lecidere,Dili,24/02/2022.
Nia hatutan iha kooperasaun ne’e hare liu iha área juventude no desportu, área joventude hare ba partilla informasaun ba malu esperensia ita nian ho Indonesia nian iha área empreendedorismu juvenil indonensia mós iha rejistu susesu sira ne’e ita hanoin nemak ita aprende ba malu ho nasaun vizinu.
Governante ne’e informa liu tan iha área desportu, konserteja iha modalidade sira ne’ebé mak ita sente ita bele serbisu hamutuk ho sira iha kazu konkretu indoensia diak tebes iha badminton oinsa mak ita serbisu hamutuk iha área ida ne’e bele lori treinador sira iha ne’eba mai bele ajuda ita ou ita nia atleta diak ida bele trenu iha sira nian.
“Ita iha problema ida ne’ebé loron bailet arte marsiais, Indonesia diak tebes sai modalidade desportivas I maioria ita nia arte marsiais maihusi Indonesia no mós rona sira nia esperensia fahe sira nia esperensia oinsa organisa modalidade ida ne’e sai desportiva ida professionál”
Iha fatin hanesan Embaixadór Indonesia, Okto Dorenus Manik hatutan iha enkontru ne’e atu hametin relasaun bilaterál entre Timor-Leste ho Indonesia, liuliu iha área desportu nian no hamoris hikas momerandu MoU ne’ebé expire ona ka mate ona.
“Ami foin halo serbisu diplomasia nian iha fulan 3 nia laran, klaru katak hametin ami nia relasaun bilateral iha aseptu hotu, inklui juventude no desportu, ami iha konkordánsia, atu serbisu hamutuk, sei asina MoU ne’ebe mate ona”, dehan Okto ba jornalista sira
