Home Notisia Dadus Hosi 7-13 Janeiru Akontese Asidente Total 36 no Insidente Iha 37

Dadus Hosi 7-13 Janeiru Akontese Asidente Total 36 no Insidente Iha 37

146
0
Komandante Jeral PNTL, Faustino da Costa. [Foto: Santina Lucia da Costa | 14.01.2021]

Reportazen Santina Lucia da Costa

Komandante Jeral PNTL, Komisariu Faustino da Costa atualiza situasaun seguransa teritoriu nasional ba Prezidente Republika, Dr.Francisco Guterres Lu-Olo

Hafoin enkontru Komandante Jeral PNTL, Komisariu Faustino da Costa ba jornalista sira informa katak situasaun seguransa teritoriu nasional lao di’ak, iha akontesimentu balun ka semana ida nia laran loron 7-13 Janeiru 2021 ne’e mak akontese asidente hamutuk 36, entre asidente 36 ne’e, iha ema na’in 3 mak lakon vida, asidente grave ka fatal iha Bobonaro,  Manufahi no iha Oecusse.

“Normalmente kuaze asidente sira ne’e hotu ne’e fatór ema, ita sei ignora regras, ita hanoin katak, regras sira ne’e kesi buat ida, por ezemplu kolen, lanu, la uza kapaseti lori motor, halai velosidade makaas, husi sira ne’e mak asidente numeru boot hanesan ne’e”, hateten Komandante Jeral PNTL, Komisariu, Faustino da Costa,  iha Palasiu Prezidensial Nicolau-Lobato, loron, 14/1.

Komisariu Faustino da Costa hatutan kona-ba insidensia iha semana ida nia laran mós hamutuk 37, maka kazu talik-an no kazu sira seluk, aliende situasaun balun ké ita nota kona-ba dezastre tempu udan ida ne’e iha Suai uma balun bee tama, hanesan mós iha Manufahi no mós iha Viqueque.

Kona-ba sebisu PNTL nian, Prezidente Republika, Dr. Francisco Guterres Lu-Olo husu nafatin ba Polisia Nasional Timor-Leste (PNTL) asegura nafatin liuliu Fronteira sira

LEAVE A REPLY

Please enter your comment!
Please enter your name here