Home Notisia Sesta Bazika, Jose: Ikan ho Naan Sosa Iha Leader, To’o Uma Es...

Sesta Bazika, Jose: Ikan ho Naan Sosa Iha Leader, To’o Uma Es Batu Laiha Sai Dois Hotu

610
0
Benefisiariu sesta bazika, Jose da Costa. [Foto: Francisco JDA | 06.01.2021]

Reportazen Francisco JDA

“Ha’u nia oan mak tama ba hili iha Leader, mai to’o iha uma es batu la iha tiha ona, buat ne’e dois hotu, kada sakola ida $50 no iha sakola 4 hamutuk $200”. Benefisiariu Jose da Costa

Komunidade suku Comoro, aldeia Fomentu 2 hato’o keixa ba Parlamentu Nasionál  (PN) liu hosi komisaun D, ne’ebé trata asuntu Ekonomi Desenvolvimentu, tanba relasiona ho sasan Sesta Bazika ne’ebe la iha nesesidade ba ema hotu, atu consume tanba sasan hanesan ikan no naan balun iis no dodok ona

Benefisiariu José da Costa Dos Santos katak sasán Sesta Bázika ne’e horseik ha’u nia oan mak ba simu iha Leader Supermerkadu maibe sasán hirak ne’e ikan no naan dois hotu ona.

“Ha’u nia oan mak tama ba hili iha Leader, mai to’o iha uma es batu la iha tiha ona, buat ne’e dois hotu, kada sakola ida $50 no iha sakola 4 hamutuk $200. Uluk ha’u simu $200 ha’u ba iha gudang globus kareta Kijang mak hiit ba uma,  horseik simu sasán folin $200 hiit deit, entaun signifika sasán la to’o folin $200”, hateten benefisiariu José da Costa dos Santos iha PN, 06/01

 José da Costa Dos Santos hateten virus Covid-19 seidauk oho ita, sasán sira dois ne’e bele oho fali ita tanba ne’e mak ohin ha’u lori mai iha Parlamentu Nasionál no sira hatan ona katak sei hato’o ba governu no sei esplika ba kompania.

Iha Fatin hanesan Prezidente Komisaun D, Atonino Bianco iha intervensaun hateten benefisiaru balun mai hatoo preokupasaun katak sasan sesta bazika nian hanesan ikan no naan balun iis ona, no bainhira foti sasan maki is ona karik bele hatoo ba kompania no husu atu troka fila fali.

“Ita hanesan reprezentante povu simu preokupasaun sira ne’e, maibé buat balun la dun loos ne’e ita hatete dehan la los, maibé iha Dili mak simu la diak, entrega fila fali ba kompniaa sira. Iha foho oin seluk, ita simu preokupasaun sira ne’e, mais se mak simu sasán ladún kualidade fo fali, hosi keixa sira komisaun sei tur hamutuk hodi hare no foti dezisaun hato’o ba governu nune’e buat sira ne’e labele tan”, hatete Presidente Comisaun D, Antoninho Bianco

Print Friendly, PDF & Email

LEAVE A REPLY

Please enter your comment!
Please enter your name here