Home Notisia Estrada iha Bualale Ba Abo-Lir  Quelicai Kondisaun Aat, Difikulta Komunidade Lori Pasiente...

Estrada iha Bualale Ba Abo-Lir  Quelicai Kondisaun Aat, Difikulta Komunidade Lori Pasiente Ba Postu Saude

2042
0
Komunidade iha Sara-Ida Quelicai. [Foto: Neon Metin | 16.05.2024]

Reportajen Agustinha Amaral & Joanina Casimiro

Komunidade iha aldeia Sara-ida suku Baguia,  Postu Quelicai, Munisípiu Baucau, preokupa  estrada ligasaun entre Bualale vila ba Postu Saúde Bualale, to’o Abo-Lir tanba Komunidade barak hala’o tratamentu iha postu saúde refere, maibé kondisaun estrada  ne’ebé liga ba postu saude refere ladiak difikulta Komunidade sira atu hala’o tratamentu urjente iha tempu udan.

“Estadu mai loke ona sentru saude iha ami nia aldeia, maibe udan mak estraga tiha dalan sira ne’e, to’o agora governu nunka hadia fila fali estrada sira ne’e, tanba nee difikulta tebes ba komunidade sira iha suku tolu mak hanesan, suku Baguia, Bualale no Letemomu, susar tebes atu asesu ba sentru Saúde no merkadu,” dehan Xefe aldeia Saraida,  Afonso Alves, ba Neometin iha Hela fatin Sara-ida, Sabado 11/05.

Nia Haktuir, liga preokusaun povu nian ne’e, parte Autoridade suku hato’o ona ba programa nasional dezevolvimentu suku (PNDS), maibé to’o agora seidauk implementa.

Nia saleinta, komunidade iha aldeia refere susar tebes atu lori produtu lokal ba  fa’an tanba deit la asesu  ba estrada, nune’e, nu’udar Autoridade iha aldeia Sara-ida sente  triste  tanba produtu lokal, barak mak komunidade estraga de’it.

Iha fatin hanesan, Terezinha Alves nu’udar Komunidade ne’ebé hela iha Aldeia Saraida, hatuir mos katak, estrada ne’ebé husi Bualale vila, mai sara-ida Wapanu,  to’o iha Abo-Lir ida ne’e, kondisaun a’at desde uluk kedas maibé too ohin loron seidauk hetan reabilitasaun husi parte estadu.

“Nudar komunidade  ami nia prekupa hela iha area rural liuliu  estrada, tanba abulansi tama ladiak no bainhira ami nia oan sira moras obriga an tenke lao ain to’o estrada mak foin sae kareta hodi lori ba hospital”, dehan Terezinha ba Neometin

Nia esplika, Dalaruma tarsporte laiha komunidade  husi  aldeia refere  la’o to’o ba  sentru saude iha Quilicai kota, nune’e  difikuta tebes ba sira atu asesu lalais ba sentru saude no merkadu hodi faan sira nia produtu nune’e mos,  dalaruma moras balun la salva vida tanba estrada ne’ebé ladiak no distancia ne’ebé mak dook teb-tebes husi sentru saúde Quelicai.

“Iha tempu udan ami senti laran susar tebes tanba ami nia oan sira ka Inan Aman ruma mak  moras,  susar atu asesu lalais ba sentru saude tanba kareta tama ladiak. No susar mos atu lori ami nia produtu ba faan iha merkadu”, dehan Terezinha ba Neon Metin

Nia husu ba nai ulun sira bele tau matan lalais ba estrada ne’ebé  liga ba Postu Saude Bualale nain, atu nune’e bele hodi salva komunidade no labarik sira nia vida bainhira moras.

Entretantu, Administrator Postu Quelicai Paul Jacinto Moreira hateten,   iha Postu saúde Quelicai iha suku Bualale ne’e  kontruzasun  iha tinan kotuk ho osanmentu Jeral do Estadu. Kona-ba, estrada klaru katak estrada atu ba iha hospital ne’e  ladi’ak duni. Maibé foin dadauk ne’e komunidade husi suku Bualale tau ona  planu preoridade ba iha PDS tinan ida ne’e nian.

Atu halo kontruzasun ba iha estrada ne’ebé Utiliza ba iha postu saúde Bualale  ne’e la’os husi suku ne rasik maka s uza, maibé inklui mos komunidade suku Letemumo Aldeia manu-mean no Waidora Abu mos mai iha parte Bualale nian hotu..

“Ha’u hanoin ida ne’ebá nia kilo ne’e ladun barak entaun ita tama ba kategoria ba PDS nia volume Osan ne’e iha 26 mil bele atende tanba ha’u hanoin lato’o kilomentru 5 maibe kilomentru 3 hanesan ne’ebé ha’u hanoin bele atende ho prosentu PDS nian ne’ebé ba proposta ha’u haonin ha’u seidauk garantia ha’u nia mandatu ne’e hahú husi Janeiru to’o mai fulan Maio agora ha’u seidauk asina prosentu iha ne’eba maske ha’u hatene informasaun ne’ebé mai husi ami nia kordenador PDS postu katak tinan ida ne’e sei halo atendementu estrada ba iha postu saúde,” nia esplika.

Print Friendly, PDF & Email

LEAVE A REPLY

Please enter your comment!
Please enter your name here