Home Notisia Planu Estende KO, FONGTIL Konsidera Governu Laiha Kapasidade Jere Fundu COVID-19

Planu Estende KO, FONGTIL Konsidera Governu Laiha Kapasidade Jere Fundu COVID-19

439
0
Diretór Ezekutivu FONGTIL, Daniel do Carmo Santos. [Foto: Joselina | 07.09.2021]

Reportajen Joselina dos Santos

Relasiona ho Ministeriu Saude (MS) husu Konsellu Ministru(KM) atu estende tan Konfinamentu Obrigatoriu (KO) ba semana rua, ho razaun katak fasilidade kuarentena no izolamentu la sufisiente, nune’e liuhusi konferénsia imprensa, Diretór Ezekutivu Forum Organizasaun Naun Governmental Timor-Leste(FONGTIL), Daniel do Carmo Santos konsidera governu la iha kapasidade hodi jere fundu Covid-19.

Tuir FONGTIL katak deklarasaun hosi Ministeriu Saude hatudu katak governu trata Covid-19,  ba tinan rua, maibe sira nafatin la iha kapasidade, jestaun ida atu jere fundu Covid-19 hodi halo preparasaun ba fasilidade sira. Tan nee ikus sira tenke halo deklarasaun aumenta tan Konfinamentu Obrigatoriu semana rua, atu fo espasu ba pesoál saude sira hodi halo serbisu.

“Ita hanoin Konfinamentu Obrigatoriu ne’e bele aumenta tan to’o tinan ida, maibe sei la kontribui signifika kazu atu tun no sa’e ita lahatene, entaun tenke muda ona oinsá mak atu moris ho Covid-19 hamutuk, maibé tenke trata nia hanesan asuntu ne’ebé ho seriu”, dehan Daniel Santos do Carmo  ba jornalista Sira iha Salaun FONGTIL Kaikoli, Tersa 07/09.

Nia hatutan Konfinamentu Obrigatoriu ka Serka Sanitaria ne’e la’os solusaun ne’ebe di’ak, tanba iha realidade, hatudu maski halo Konfinamentu Obrigatoriu no Serka Sanitaria maibé realidade Covid-19 ne’e iha ona komunidade nia leet.

“Ita tenki buka atu adapta oinsa moris hamutuk, hodi moris luta hasoru moras ne’e, ho ita nia maneira sira hanesan atividade preventiva distansia sosial, fase liman beik-beik buat sira ne’e mak bele hakotu transmisaun no Vasina atu hasae ema nia imunidade”,tenik nia

Nune’e nia dehan labele ona Konfinamentu tanba problema ekonomia no populasaun barak mak sofre makaas husi impaktu husi Covid-19.

Entretantu atu asegura KO mak governu tenke hasa’e taxa partisipasaun vasina, atu komunidade sira  simu vasina hodi hasae sira nia imunidade, atu sira bele halo movimentu no hala’o sira nia atividade ekonómiku, hodi sustenta ba sira nia moris, la pudia atu dependénsia ba governu.

Print Friendly, PDF & Email

LEAVE A REPLY

Please enter your comment!
Please enter your name here