Home Notisia FONGTIL Deskobre Iha Munisipiu 7 Partisipasaun Komunidade Simu Vasina Doze 1 Menus

FONGTIL Deskobre Iha Munisipiu 7 Partisipasaun Komunidade Simu Vasina Doze 1 Menus

434
0
Vasina COVID-19. [Foto: Copyright Kompas | 12.01.2021]

Reportajen Joanina Casemiro

Diretór Ezekutivu Forum Organizasaun  Naun Governmental Timor-Leste (FONGTIL), Daniel do Carmo Santos deklara katak taxa vasina doze dahuluk menus, governu rasik mak désmotiva ninia sidadaun, hodi la partisipa iha vasina tanba ho deklarasaun sai no tama iha pontu entrada tenke swab maski vasina kompletu.

Diretór Ezekutivu FONGTIL hato’o informasaun ne’e bainhira aprezenta rezultadu monitorizasaun durante semana ida nia laran iha Munisipiu 9 hanesan Lauten, Aileu Bobonaru, Ermera, Baukau, Viqueque, Manatuto, Manufahi no Liquisa.

Tuir Diretor FONGTIL katak  husi monitorizasaun durante semana ida, FONGTIL deskobre  partisipasaun komunidade ba simu vasina doze dahuluk menus, iha Munisipiu Lautem no Manatuto mak sa’e, maibe iha Munisípiu 7 seluk taxa partisipasaun menus, tanba influensia deklarasaun governu nian katak vasina dala rua maibe bainhira halo viajen tenke swab.

 “Governu hakarak populasaun hotu-hotu tenke hola parte hodi partisipa iha simu vasina, maibé governu rasik mak désmotiva ninia komunidade atu la partisipa iha vasina, tanba ho deklarasaun katak sai no tama iha pontu entrada sira tenke swab, ne’e mak taxa partisipasaun menus”, dehan Diretor FONGTIL, iha salaun konferensia, 07/09

Nia hatutan FONGTIL kontinua halo advokasia liu husi enkoraja membru sira, hodi kontinua halo monitorizasaun ba vasina iha territóriu tomak, atu asegura iha kualidade, efikásia no inkluzivu ba retroasaun prestasaun serbisu, hodi asegura komunidade ninia direitu atu asesu informasaun, atu hasa’e taxa partisipasaun vasina, nu’udar meius ida hodi kontribui ba prevensaun COVID-19 iha Timor-Leste.

Tan ne’e Iha loron 31 Agostu to’o 3 Setembru 2021, membru FONGTIL  hamutuk 12  halo ona monitorizasaun iha munisipiu sia ne’ebé kobre iha fasilidade saúde ou sentru saude.

Print Friendly, PDF & Email

LEAVE A REPLY

Please enter your comment!
Please enter your name here