Home Notisia MAEKOM Husu Tau OJE Ba Programa Eskema Garante Kréditu ho montante Miliaun...

MAEKOM Husu Tau OJE Ba Programa Eskema Garante Kréditu ho montante Miliaun USD$100

194
0
Manu Frangu MAEKOM (Foto: MAEKOM)

Movimentu Asaun Ekonomia Komunitaria (MAEKOM) publika ninia komunikadu imprensa horiseik hodi husu ba Parlamentu Nasional atu konsidera tau no aumenta Orsamentu Jeral Estadu (OJE) ba eskema kreditu ida mak bele fo benefisiu ba fasilita toos-nain, hakiak-nain, no Timor-oan ne’ebé hala’o negósiu, liu-liu fa’an produtu agríkola.

“Tanba redus ona orsamentu (OGE-2020) ba Ministériu Agrikultura no Peskas (MAP). MAEKOM sujere estadu iha OGE-2020, aumenta orsamentu iha programa Eskema Garante Kréditu ho montante USD$100,000,000.00 (milaun atus-ida) hodi fasilita toos-nain, hakiak-nain, no Timor-oan ne’ebé hala’o negósiu, liu-liu fa’an produtu agríkola, nune’e sira bele asesu ba programa ne’e ho funan ida razoável ne’ebé implementa husi Banku Nasionál Komérsiu Timor-Leste (BNCTL),” MAEKOM sujere iha ninia komunikadu imprensa, publika horiseik 16/01.

MAEKOM mos sujere atu redus subvensaun públiku, viajen estranjeiru ba asuntu nebe ladun importante ba nasaun ne’e, nune’e orsamentu sira bele aloka fali ba MAP hodi apoiu iha setór produtivu no indústria kreativa sira.

Sira sujere atu prodús lei protesaun ida ba produtu agríkola rai-laran. Lei protesaun ne’e bele enkoraja to’os-na’in sira atu servisu maka’as hodi hasa’e númeru produsaun nomós kria no emprega servisu iha railaran. MAEKOM mos husu ba Ministeriu Turizmu, Komérsiu no Indústria (MTCI) atu limita importasaun manu-frangu ne’ebé konzeladu (ayam potong) hodi fó espasu ba produtu lokál hanesan manu-frangu hodi hasa’e númeru hakiak iha Timor-Leste.

LEAVE A REPLY

Please enter your comment!
Please enter your name here