Reportajen Calisto dos Santos Oqui
“Kuaje estrada a’at hotu, ida ne’e maka partido polítiku no kandidatu Prezidente boot sira nunka mai visita postu no suku sira ne’e”. Virgilio
Kandidatu Prezidente Repúblika, Virgílio da Silva Guterres ‘Lamukan’ preokupa ho kondisaun estrada ba postu sira iha Rejiaun Administrativu Espesiál Oe-cusse Ambeno (RAEOA), tanba tuir nia observasaun hahu husi ponte Noe-Fefa mai to’o suku Tai-Boko estrada sei at
“Estrada diak iha Oe-cusse vila de’it, mais kasian estrada ba postu Administrativo tolu (3) mak hanesan Nitibe, Oe-Silo ho Passábe, iha postu tolu ne’e kuaje estrada a’at hotu, ida ne’e maka partido polítiku no kandidatu Prezidente boot sira nunka mai visita postu no suku sira ne’e”, hateten Virgilio iha suku Tai-Boko
Nia hatutan katak kandidatu Prezidente sira delega deit sira nia ema, atu ba postu no area rural sira, mais tuir lolos kandidatu Prezidente sira hotu tenke ba to’o postu sira, atu hatene loloos konaba situasaun iha postu Administrativo sira.
“Ķarik imi fó fiar mai hau, ita nia estrada sei diak ,tamba hahu husi ponte Noe-Fefa mai to’o ne’e kuaje estrada la diak”, dehan Lamukan
