Home Notisia Debate OJE, HAK: PN Ignora Preokupasaun Situasaun Ba Direitu Fundamentu Sira

Debate OJE, HAK: PN Ignora Preokupasaun Situasaun Ba Direitu Fundamentu Sira

383
0
Assosiasaun HAK halo konferensia imprensa. [Foto: Francisco JDA | 16.01.2020]

Reportazen Francisco JDA

Relasiona ho Debate Orsamentu Jeral Estadu 2020 [OJE] ne’ebe lao dadauk iha uma fukun Parlamentu Nasional, halo sai diskusaun iha publiku nia leet. Hanesan mos Asosiasaun HAK, liu ne’ebe tau matan mos ba lalaik debate OJE 2020, liu hosi konferensia imprensa iha salaun HAK, porta-voz Sisto dos Santos deklara katak, hosi parte HAK nian deskobre deputadu sira laiha informasaun ne’ebe sufsiente hosi baze, hodi bele uza ba iha debate OJE 2020 iha uma fukun.

Sisto hateten problema ne’ebe sai preokupasaun fundamente komunidade nian, desde tinan 10 resin ba kotuk hanesan asuntu edukasaun, saude, bee moos no irigasaun, Governu seidauk iha konsiderasaun hosi ukun ida ba ida seluk, hodi fo efeitu bo’ot ba povo nia moris, obriga povo kbiit laek sira, hodi ba sosa aimoruk iha klinika privadu sira. Povo kontinua halerik ba bee moos, governu la investe ba seitor importante ne’e, maibe entrega fali ba Asian Development Bank [ADB] ne’ebe ikus mai privatiza no povo tenke selu.

“Ami iha informasaun baziku ne’ebe halibur hosi municipio ne’en (6) Baucau, Viquueqe, Dili, Ermera, Aileu no Ainaro formula no submete tiha ona ba PN, iha data 30 Julho 2019, maibe ami konfirma fali deputadu balun informa katak, la simu relatório hosi HAK, ami sente lamenta tebes ho sistema servisu admistrasaun parlamentu nian”, dehan Sisto iha Farol 16/01

Sisto hatutan katak, iha loron 6 de Novembro 2019, manda fila karta lamentasaun ida ba Presidente Parlamentu, maibe la iha resposta too agora. Situasaun ne’e hatudu katak orgaun estadu ignora preokupasaun ba situasaun dezenvolvimentu ba direitu fundamentu sira, hanesan fahe faktu real ba povo municipio ne’en hasoru hodi bele deskute diak liu tan proposta OJE.

Assosiasaun HAK rekomenda katak presiza tau matan ba informasaun sira ne’ebe urjente, atu nune’e informasaun no relatoriu bele too duni iha nai Presidente Parlamentu nia Futar liman

Sorin seluk Deputadu bankada PD Adriano de Nasimentu hateten iha diskusaun OJE ba loron dahuluk iha uma fukun PN, nia parte la fiar totalmente katak atinjimentu numeru estastistika ezekusaun OJE ho total 84% sai faktu ba povo nia moris

“Povo iha aldeia no suku lubun ida mak seidauk hetan eletrisidade, estrada, bee moos no sanemantu. Too agora maske governu ida ne’e, tau ona osan iha nia planu no at liu tan povo iha Covalima taa malu tanba atu hetan bee moos hodi hatutan sira nia moris” tenik Deputadu Adriano

LEAVE A REPLY

Please enter your comment!
Please enter your name here