Home Uncategorized Laiha Orador Feto Iha Kongresu CNJTL Ba dahaat nian

Laiha Orador Feto Iha Kongresu CNJTL Ba dahaat nian

448
0
abertura ba kongresu CNJTL ba dahaat nian iha CCD. [Foto: Copyright Dalia Paixao Lopes | 16.01.2020]

Reportazen Zevonia Vieira 

Kongresu Conselho Nasional Juventude ba dahaat nian laiha orador feto. Kongresu refere ne’ebe halao iha Centro Convensaun Dili [CCD], hetan partisipasaun masimu hosi organizasaun juventude rezistensia no conselho juventude hosi municipio sira.

Iha kongresu ba loron dahuluk media Neon Metin observa direita katak orador ne’ebe mak komisaun organizador sira prepara, laiha orador hosi parte feto.

Bainhira Neon Metin halo konfirmasaun ho Prezidente Komisaun Organizador ba kongresu CNJTL, Mateus Lemos Soares via telefone, konaba tanbasa laiha orador feto iha kongreseu CNJTL, Prezidente Komisaun Organizador hatan katak, lista orador sira ne’e desidi liu hosi konsultasaun hamutuk ho organizasaun rezistensia sira ne’ebe mak hatene klean konaba istoria harii CNJTL, ho nune’e identifika orador sira tuir esperiensia ne’ebe mak orador sira iha liga ho CNJTL ninian ezistensia.

“Hanoin inisiu aprezenta duni lista feto iha konsultasaun mak hanesan Kristy Sword Gusmao, maibe bainhira halo konsultasaun aseit fali ho orador sira ne’ebe mak hatene istoria CNJTL nian, laos komisaun organizadora mak lakohi konvida feto sira atu sai orador, maibe ida ne’e desidi hamutuk liu hosi konsultasaun ho organizasaun rezistensia sira”, esplika Mateus via telefone.

Orador sira ne’ebe mak koalia iha kongresu CNJTL mak hanesan Dr. Jose Ramos Horta, Pe. Juvito do Rego, Dr. Donaciano Gomes “Pedro Klamar Fuik”, Eng.Mariano “Assanami” Sabino no seluk-seluktan.

Kongresu ne’e sei halao durante loron tolu hosi 17- 18 Janeiru iha CCD, ne’ebe partisipa hosi organizasaun rezistensia no membru conselho juventude sira ne’ebe mai hosi municipio 12 no inklui RAEOA.

 

 

 

LEAVE A REPLY

Please enter your comment!
Please enter your name here