Home Uncategorized Kongresu CNJTL, Dadi: Joven nian Inimigu Mak Korupsaun no Injustia

Kongresu CNJTL, Dadi: Joven nian Inimigu Mak Korupsaun no Injustia

610
0
Prezidente atual CNJTL, Maria Dadi Soares. [Foto: Zevonia Vieira | 16.01.2020]

“Ita hatene dalabarak iha prosesu demokratiasaun iha diferente idilogia, maibe liu hosi kongresu ida ne’e, dehan katak ita nia inimigu mak korupsau, inimigu mak injustisa no inimigu maka bainhira povu moris kiak”, hateten Dadi

Conselho Nasional Juventude Timor-Leste [CNJTL] realiza kongresu ba dala haat ho tema Joven Ho Paradigma Foun Ba Transformasaun Global.

Liu hosi kongresu refere, Prezidente atual CNTJL, Maria Dadi Soares Magno hatoo katak husu ba organizasaun juventude rezistensia sira no conselho juventude sira ne’ebe partisipa iha kongresu katak, juventude tenke ho vontade masimu kontinua hatudu sira espritu luta ba povu nia moris ho dignu, luta hasoru korupsau, luta hasoru kiak no luta hasoru mukit.

Prezidente CNJTL hatutan katak , hanesan organzasun indepentende CNJTL iha papel importante atu konsilida unidade nasional no rekonstruksaun pais.

“Ita hatene dalabarak iha prosesu demokratiasaun iha diferente idilogia, maibe liu hosi kongresu ida ne’e, dehan katak ita nia inimigu mak korupsau, inimigu mak injustisa no inimigu maka bainhira povu moris kiak”, hateten Dadi

Relasiona ho tema ba kongresu refere, Maria Dadi hateten paradigma ne’ebe ho hanoin luan no naruk, mai ho transformasaun hosi joven baruk sai badinas, joven ne’ebe inovativu no kritiku.

Problema barak maka halo joven iha risku nia laran, dezempregu, joven ne’ebe la asesu edukasaun, joven ne’ebe laiha abilidade, ida ne’e mak sai problema boot no presiza joven sira nia servisu hodi luta ba iha mudansa.

“Hau husu ba kongresista sira, atu iha vontade tomak, hodi tuir kongresu ida ne’e ho seriu no responsabilidade. Juventude ida deit ho konsilida nasional, ho responsabilidade hodi atinji mehi juventude Timor Lorosa’e nian”, tenik Dadi, iha CCD 16/01.

Iha fatin hanesan Sekretariu Estadu Juventude no Desportu, Nelio Izaac hateten joven hotu sai sasin ba iha kongresu CNJTL ba dala haat nia atu lao susesu, atu kaer nafatin dutrina oinsa mak atu oferese espiritu voluntariu ho unidu.

Nelio hateten prosesu inisiu CNJTL nia mai hosi voluntariu, ho nune’e governu apoiu ba espiritu joven sira nian, hodi halao kongresu ida ne’e.

“Ita tenke akompanha prosesu katak ita harii estadu ida ne’e la fasil no iha prosesu lubuk ida. Saida mak ita atu kuda, hau espera liu hosi kongresu ida ne’e hodi transforma no ajuda ita nia estadu, oinsa muda joven sira, atu sai joven kontinuador”, tenik Nelio Izaac

Hau fo hanoin ba CNJTL, atu halo tuir politika nasional juventude nian ne’ebe mak aplika iha seitor oin-oin. Halo monitorizasaun, peskiza, viskalizasaun no avaliasaun ba seitor oin-oin ne’ebe governu halo.

 

 

 

LEAVE A REPLY

Please enter your comment!
Please enter your name here