Reportazen David da Costa Gusmao
Relatoriu husi Komisaun Anti Korupsaun (KAK) dehan reklamnate sira ne’e balun joven ho idade ne’ebè mak sei kiik hela, presiza haree informasaun sira ne’e, antes taka lista ne’e ba públiku se mak iha lejivel atu simu no ida ne’e iha hela prosesu nia laran”. Diretor Jeral MSSI
Relasiona ho subsidiu COVID-19 ba kada uma kain $100, tanba impaktu hosi Estadu Emerjensia no iha prosesu pagamentu ne’ebe hetan reklamasaun hodi uma kain sira iha teritoriu tomak.
Ba jornalista sira Diretór Jerál Ministeriu Sosial Solidariedade no Inkluzaun (MSSI), Rui Exposto hateten Ministériu Solidariedade Sosiál no Inkluzaun halo hela análiza ba dadus reklamasun hamutuk 15.764, ne’eve submete ona ba prosesu anázlia hodi hala’o pagamentu.
“Depois ami halo ona verifikasaun ba reklamasoens ne’ebè mak tama, haree ida-idak entre dadus ne’e, tama tiha iha eletròniku ho total reklamasoens 15.764 reklamasoens”, informa Diretòr Jerál MSSI ba jornalista sira iha nia kna’ar fatin, MSSI Kaikoli, 1/09.
Nia dehan total husi 5.764 ne’e mi husi munisìpiu Díli mak boot liu por volta reklamasoens hamutuk 4.786, tuir fali Munisipiu Ermera pr volta 1.812.
Nia informa hosi dadus reklamasaun sira ne’e hatama ona iha dijitalizasaun katak servisu la’o tuir internet. Reklamasaun agora foin halo análiza hamutuk 3.910 mak fiksu ona, halo análiza husi 1005 ne’e kompostu hosi Munisipiu Baucau, Ainaro, Covalima, Lautem, Liquisa, Manatuto, Manufahi, Díli, Bobobaru no Aileu.
Diretor Jeral ne’e afirma katak bainhira analiza sira remata, sei komunika fali ho Ministeriu Administrasaun Estatal (MAE), hodi hare fila fali naran sira ne’ebe mak elijivel ba reklamasaun sira ne’e
Nia subliña relatoriu husi Komisaun Anti Korupsaun (KAK) dehan reklamnate sira ne’e balun joven ho idade ne’ebè mak sei kiik hela, presiza haree informasaun sira ne’e, antes taka lista ne’e ba públiku se mak iha lejivel atu simu no ida ne’e iha hela prosesu nia laran.
