Home Notisia MKAE Ho VPM-MSSI Serbisu Hamutuk Ba Asuntu Rekuperasaun Ekonomiku

MKAE Ho VPM-MSSI Serbisu Hamutuk Ba Asuntu Rekuperasaun Ekonomiku

182
0
Ministru Kordenador Asuntu Ekonomia (MKAE), Joaquim Amaral. [Foto: David da Costa Gusmao | 01.09.2020]

Reportazen David da Costa Gusmao

Ministru Koordenador Asuntu Ekonomia (MKAE) halao sorumutu ho Vice Primeira Ministra Asuntu Sosial (VPMAS) no Ministra Solidaridade sosial no inkluzaun (MSSI), hodi koalia kona-ba asuntu medidas rekuperasaun enkonominku nian iha Timor-Leste.

Hafoin enkontru ba jornalista sira Ministru Kordenador Asuntu Ekonomia (MKAE), Joaquim Amaral hateten MKAE agora dadauk koordena hela planu koopersaun ekonomiku ba kontenpla medias haat.

Joaquim hateten iha medias haat ne’e, medias tolu mak sei sai hanesan responsabilidade iha Ministeru Solidasridade Sosial no Inkluzaun nian.

Nia dehan iha medida tolu ne’ebe mak MSSI sei responsabel mak ajuda kompania sira, hodi hahu fali nia atividade negosiu, oinsa atu ajuda seitor formal sira, hodi bele rejistu iha sistema seguransa sosial no ida seluk mak ajuda sira nia retensaun  iha seguransa social, governu sei ajuda balun hodi selu mais 6% ou 10%.

Iha pontu da-haat nian ne’ebe mak iha Ministeru Koordenador Asuntu Ekonomia nian responsabilidade mak material baziku, oinsa sosa hahan sira ne’ebe faan iha merkadu nasional, atu nune’e  bele distribui fali ba familia ida-idak.

“Uluk iha osan familia ida hetan $100 dollar, agora universal ema ida iha diretu atu hetan ida no hetan hahan tuir osan ne’ebe distribui, atu nune’e iha fulan Novembru ka Dezembru sira  iha ai-han para atu han”, nia esplika iha MSSI, 01/09.

Nia subliñatan atu bele ajuda produtores sira ho agrikultores sira, atu sira bele badinas produs no halo to’os tanba merkadu iha komprador.  

“Iha situasaun ida ne’e iha programa rekopersaun, sei sosa hahan sira ne’ebe tama ona iha lista, ne’ebe faan iha merkadu lokal ho nasional, atu  bele ajuda komersiante sira bele rekupera fali sira nia ekonomia familiar nian no lista ne’e iha hela koordenasaun Ministru Saude, para haree nia kompozisaun ne’e iha nutrisaun, kalorii no haree tuir lista mak foin sosa hahan ba familia ida-idak”, informa Ministru Joaquim

Ministru hateten iha familia idak-idak, sei hetan osan montante $25.00 ba kada fulan.

LEAVE A REPLY

Please enter your comment!
Please enter your name here