Home Notisia Hahu Edukasaun Naun Violensia Iha Uma laran, FOKUPERS Regista Kazu Violensia Domestika...

Hahu Edukasaun Naun Violensia Iha Uma laran, FOKUPERS Regista Kazu Violensia Domestika 776

171
0
Koordenadora ba Programa Asistensia Vitimas FOKUPERS, Dalia das Regras. [Foto: Adalgisa Pereira | 03.10.2020]

Reportazen Adalgisa Pereira

“Kategoria ba violensia domestika ne’e iha tipu haat mak hanesan  violensia fisiku, sexual, psikologika, ekonomia inklui kazu sivil hanesan abandona iha tinan 2018 to’o ohin loron kazu  violensia domestiku ba adultus hamutuk 776 mak FOKUPERS registu”. FOKUPERS

Sala Leitura Xanana Gusmão ho Youth Community Care (YCC) komemora loron mundial naun-violensia, liu hosi seminariu konaba valores luta naun-violensia, hodi atinji objetivu politika ida no importansia edukasaun naun violensia iha uma laran.

Koordenadora ba Programa Asistensia Vitimas FOKUPERS, Dalia das Regras  iha nia entrevista hateten kategoria ba violensia domestika ne’e iha tipu haat mak hanesan  violensia fisiku, sexual, psikologika, ekonomia inklui kazu sivil hanesan abandona iha tinan 2018 to’o ohin loron kazu  violensia domestiku ba adultus hamutuk 776 mak FOKUPERS registu.

“Iha ami nia asistensia maioria husi sofre viventes sira ne’ebe mak ami fo asistensia rekoperadu, liu-liu ami la hare deit ba sira nia inan, tamba dalaruma sira ba lori mos sira nia oan, tan ne’e oan sira ne’ebe ba mos sira hetan asistensia hanesan fo asistensia ba inan sira, ami fo mos ba oan sira atu nunee sira bele hetan rekoperasaun ba sira nia psikologia”, hateten Dalia

Nia dehan banhira violensia akontese iha uma laran, oan sira asiste diretamente entau oan sira mos presiza fo asistensia ka fo atensaun ba labarik sira, atu nunee sira bele kura sira nia problema psikologia.

Koordenadora nee husu ba joven sira, atu kuda nasionalismu no promove komunikasaun saudavel iha uma laran, tamba joven mak futuru nasaun no tenke hadook an husi tipu violensia.

“Atu hare ba kazu violensia domestika sira, liu-liu ami enkoraza ema hotu bele promove komunikasaun ne’ebe mak saudavel iha uma laran, liuliu komunikasaun asertivu sira tamba dalaruma ita toman no ita la hatene oinsa atu komunika”, hateten Dalia iha Xanana Reading Room, 02/10.

LEAVE A REPLY

Please enter your comment!
Please enter your name here