Reportazen Adalgisa Pereira
“Iha luta da libertasaun ne’e dala barak liu uza luta la ho violensia, tan ne’e timoroan nain rua hetan premeiu nobel da paz, tan nee nia mos husu ba governu no estadu tomak tenke haree ba interese povu ida ne’e nia moris diak”. Mate Resut ‘Amali
Hodi komemora loron mundial naun-violensia, liu hosi Leitura Xanana Gusmao ho Youth Community Care (YCC), konvida mate restu 12 Novembru no nudar Sekretariu Jeral Komite 12 Novembru, Sergio Filomenu Marques ‘Amali’ hodi koalia asuntu ba naun-violensia luta ba libertasaun nasional.
Sekretario Jeral Komite 12 Novembro, Sergio Filomenu Marques “Amali” hateten joven uluk gosta luta ba ukun rasik-an maibe joven agora balun hakarak baku malu no oho malu deit
“Joven sira hakarak sente ukun-an ninia rasik tenke redus nia-an hosi violensia tanba violensia ne’e krime. Joven uluk gosta luta ba ukun rasik-an maibe joven agora hakarak baku malu no oho malu deit”, dehan Amali iha Xanana Reading Room Lecidere, 02/10.
Nia dehan karakter ne’ebe mak diferensia iha prosesu libertasaun patria no libertasaun do povu, ne’e husi luta mai no akontesimentu ho nia valor ne’ebe mak bele fo ninia impaktu positivu ba iha povu ida no rai ida ba internasional nia matan.
Nia mos hateten iha luta da libertasaun ne’e dala barak liu uza luta la ho violensia, tan ne’e timoroan nain rua hetan premeiu nobel da paz, tan nee nia mos husu ba governu no estadu tomak tenke haree ba interese povu ida ne’e nia moris diak.
