Home Notisia Semana Rua Ona Koligasaun Foun Seidauk Simu Informasaun hosi Gabinete Presidente Republika

Semana Rua Ona Koligasaun Foun Seidauk Simu Informasaun hosi Gabinete Presidente Republika

470
0
Koligasaun Foun Halo Konferensia Imprensa Hatan ba Presidente Republika

Reportazen Francisco JDA

Koliagasaun Maioria Parlamentar, kompostu hosi Partidu Congresu Nasional Reconstrusaun Timor (CNRT), Partidu Kmanek Oan Haburas Timor Oan (KHUNTO), Partidu Democratika (PD), Partidu Unidade Desesnvolvimentu Demokrasia (PUDD), Partidu Frente Mudansa (FM) no Partidu Uniaun Democratika Timorense (UDT) hala’o konferensia imprensa ho objetivu atu hatan ba resultadu enkontro lider nasionais no Presidente Republika ne’ebe hala’o iha 10 Fevereiro 2020. 

Ba jornalista sira, Portavoz  Koligasaun Maioria Parlamentar,  Antonio da Conseicao hatete, haree ba koligasaun foun ne’ebe iha loron 6 fulan Marsu, hala’o enkontro ho Presidente Republika no husu partidu politiku atu halo konferensia ou kongresu tuir Lei Partidu Politika, artigu 9. 

“Iha loron 10 fulan Marsu koligasaun foun hatama hikas fali karta ba Presidente Republika hodi mos indigita Maun Boot Kay Rala Xanana Gusmao nudar Primeiro Ministru, no ohin kompleta ona semana rua, maibe Presidente da RDTL seidauk pronunsia buat ida tuir artigu 106 Konstituisaun Republika Demokratika Timor Leste, no koligasaun foun mos seidauk simu nein imformasaun ida hosi Gabinete Presidente Republika, kona ba enkontru daruak ho PR,” tenik Porta Voz Antonio da Conseicao, iha Bairo dos Grilhos Bidau, 24/03.

Portavoz ne’e reforsa, koligasaun solido hela no Presidente Partidu hotu sei komprometidu iha koligasaun laran, deputados hotu hosi Koligasaun Maioria Parlamentar kordena malu ho harmonia iha debate hotu mak lao iha Parlamentu Nasional.

“Koligasaun nafatin hein Presidente Republika nia dezisaun, no fiar katak sei hala’o nia knaar nudar artigu 74 Konstituisaun Republika Demokratika Timor Leste, katak Xefe Estadu no garante nasaun nia independensia estadu, unidade no instituisaun demokratiku sira nia funsionamentu regular. Ho idane’e PR sei tau aas impase politika nudar prioridade hodi bele halo dezisaun justu ho baze ba Konstituisaun Republika Demokratika Timor Leste. Nunee bele hakotu impase politika no resolve problema Covid-19 no normaliza desenvolvimentu pais nian hodi responde ba nesesidade povu nian,” Portavoz Antonio da Conseicao hatutan.

Koligasaun Maioria Parlamentar husu ba PR atu konsidera prosesu hotu, inklui aseita demisaun Priemiru Ministru, tuir Artigu 112 Konstituisaun Republika Demokratika Timor Leste, nunee loke ona formasaun IX Governu Konstituisional, tuir artigu 106 Konstituisaun Republika Demokratika Timor Leste, nunee reponde ba situasaun ne’ebe pais hasoru hanesan Covid-19 no inundasaun.

LEAVE A REPLY

Please enter your comment!
Please enter your name here