Home Notisia Xanana Husu PR Atu Aseita Demisaun PM no Loke Dalan Ba...

Xanana Husu PR Atu Aseita Demisaun PM no Loke Dalan Ba IX Governu

1883
0
Xanana Husu PR Aseita Demisaun PM Taur

Reportazen Fransisco JDA

Koligasau Maioria Parlamentar halao konferensia imprensa hodi husu ba Presidente Republika Democratika Timor Leste, Dr Francisco Guterres Lu Olo atu konsidera prosesu hotu ne’ebe Presidente Republika (PR) rasik halao, inklui aseita demisaun ba Primeiru Ministru (PM), tuir artigu 112 Konstituisaun da Republika Democratika Timor Leste (KRDTL). Nune’e bele loke ona dalan ba formasaun IX Governu Konstituisional, tuir artigu 106 KRDTL, hodi responde ba situasaun ne’ebe pais ne’e hasoru hanesan Corona Virus no inundasaun.

Presidente Koligasaun Maioria Parlamentar, Kay Rala Xanana Gusmao, ba jornalista sira hatete, ejiji ba Presidente Republika, atu fo ona demisaun ba Primeiru Ministru no presija PR atu koalia kona ba Koligasaun foun ne’e, 

“Koligasaun tomak bolu atensaun ba PR, ami hatama,  kompleta tiha ona reqezitus  semana rua ona la dehan  buat ida. Ami laos minoria maibe ami maioria, plataforma entendimentu maka espekula habosok povu, tau foer iha povu nia matan. Sira iha deit 31 votus”, Presidente Koligasaun Maioria Parlametar kay Rala Xanan Gusmao deklara iha Bairo dos Grilos, 24/03.

Xanana Gusmao Reforsa tan,   iha artigu 86 KRDTL katak PR iha kompentensia kona ba orgaun sira seluk. Iha Linha F hatete, disolve Parlamentu Nasional, iha situasaun ne’ebe iha krize instituisional grave ne’ebe la husik forma governu ka aprova Orsamentu Jeral Etadu nian, iha perido naruk liu loron ne’en nulu, karik la iha Orsamentu Jeral Estadu liu loron 60 tenki disolve parlamentu, no loron 60 konta hosi 1 de Janeiro too 2 de Marsu ne’e kompleta ona loron 60.  

LEAVE A REPLY

Please enter your comment!
Please enter your name here