Home Notisia RENETIL ho nia média Neon Metin prontu diskuti formal ho MAPCOMS ba...

RENETIL ho nia média Neon Metin prontu diskuti formal ho MAPCOMS ba Esbosu Lei Kriminaliza Defamasaun

616
0
Sekretariu Jeral RENETIL, Juaquim Fonseca "Russuo". [Foto: 20.06.2020]

Reportajen Adroaldo ‘Saretukau’

Ministru Asuntu Parlamentar no Komunikasaun Sosial (MAPKOMS), Fransisco Jeronimo, halo vizita ba Média Online Neon Metin iha nia edifísiu Haburas, Farol, fim de semana ne’e (11/07), hodi rona komprende kona ba media nia servisu no mos rona preokupasaun ka hanoin balun hosi Neon Metin kona ba Esbosu Lei Kriminaliza Defamasaun.   

Relasiona ho públiku ne’ebé kestiona maka’as konabá Esbosu Lei Kriminaliza Defamasaun hosi Governu ne’ebé sei hamate liberdade imprensa no espresaun, SekJer RENETIL, Joaquim Russuo Fonseca hato’o katak média Neon Metin mos sai sujeitu ida ba aplikasaun lei ne’e. 

“Entaun hanesan Sr. Ministru akompanha, ita agora dada-dauk hasoru hela diskusaun ida konabá lei kriminaliza defamaasaun nian. Media Neon Metin ida ke atu sai sujeitu ba aplikasaun lei ne’ebá mos”, Russuo, Sekretariu Jeral RENETIL expresa. 

Nia hatutan RENETIL prontu tama iha diskusaun formal ruma atu hato’o opiniaun hodi kontinua kontribui ba luta ida ne’e, tanba média mos iha papel importante ba luta

“Hosi fali parte RENETIL nian, ami espresa ona opiniaun balun, ami prontu tama iha diskusaun ida ke formal se karik nesesáriu, la’os atu blokeia kontra ka saída, mais atu fó opiniaun, tanba hanesan Sr. Ministru hatene média ne’e halo parte importante ida iha ita nia prosesu luta ba libertasaun nian. Kesi aan ba média mak hodi fo sai informasaun konabá ita nia luta ne’e, depois mai ita ukun. Entaun ita fiar katak trasnparente ne’e sulin iha ita nia ran”, Russuo hatutan.

Sekretariu Jeral ne’e mos dehan katak hosi RENETIL foti responsabilidade atu garante katak Neon Metin nia prezensa ida ne’ebé profisional duni. Ba duni atu apoiu dezenvolvimentu média nian. 

Iha fatin hanensan MAPKOMS husu atu lalika preokupa ho Lei Defamasaun tanba seidauk halo aprezentasaun iha Konsellu Ministru no ida ne’e husik hela iha públiku atu diskute.

Neon Metin hanesan Média RENETIL nian iha tempu rezistésia ba luta ukun rasik aan ida ne’e. Agora da-dauk nia mosu hikas hanesan média online atu kontribui ba luta libertasaun nasional liu hosi papel fahe ka deziminasaun informasaun ba nia povu sira. 

LEAVE A REPLY

Please enter your comment!
Please enter your name here