Reportazen Santina Lucia da Costa
Komemora loron nasional Veteranu nian, Prezidente da Republika, Dr. Francisco Guterres Lu Olo fo rekonnesimentu espesial ba fundador Movimentu ba Ukun Rasik-an no Unidade Nasional ne’ebe sei moris, mak hanesan Dr. Mari Alkatiri, Dr. Jose Ramos Horta no b lider prinsipal no reorganizasaun Luta Libertasaun Nasional iha 1982, Komandante FALINTIL, Kay Rala Xanana Gusmão.
Prezidente da Republika iha nia deskursu mos hateten, fo rekoñesimentu boot ba Kombatente Libertasaun Nasional feto no mane, koñesidu no deskoñesidu, ne’ebé kontribui liu husi hahalok kiik ka boot, iha Frente Armada, Klandestina no Esterna ka Diplomátika.
Xefe Estadu me’e hato’o agradesimentu ba solidariedade internasional ne’ebé Timor simu husi Portugal, Moçambique, Angola no eis-kolónia portugesa sira seluk, iha África, husi governu balun, partidus polítikus, organizasaun naun-governamental no sidadaun sira iha mundu tomak.
“Hotu-hotu nia kontribuisaun mak ita manán Ukun Rasik-an. Hamutuk ita sei luta nafatin ba futuru di’ak, ba ita-nia oan no beioan sira. Iha ita-nia Timor-Leste ne’ebe livre no independente”, hateten Lu Olo, iha palacio governu, 03/02