Home Saude TL Menus Halo Vijilánsia no Limitasaun advokasia Ba Programa Prevensaun Moras Hepatitis

TL Menus Halo Vijilánsia no Limitasaun advokasia Ba Programa Prevensaun Moras Hepatitis

117
0
Komemora loron Hepatitis. [Foto: Umbelina | 02.08.2022]

Reportajen Umbelina dos Reis

Organizasaun Saúde Mundiál (WHO) komemora loron Mundiál Hepatitis ho tema “Lori tratamentu moras Hepatitis ba ita,” liu hosi hosi komemorasaun ne’e representative WHO iha Timor-Leste Arvind Mathur, hateten iha loron Mundial ba Hepatitis, agora da-dauk sei ko’alia liu tán konabá nesesidade atu lori tratamentu moras Hepatitis besik liu tán ba komunidade, tanba reflete faktu konkretu ema 3000 mate kada loro-loron.

Nia dehan ita reflete uluk liu kona-ba faktu balun ne’ebé konkretu, ema na’in 3000 mate kada loro-loron, ka permite ha’u hatete katak, kada segundu 30 ema ida mate, tanba moras sira ne’ebé relasiona ho hepatitis hanesan fallansu iha aten boot, cirrosis no kankru, númeru ne’e aas liu fali HIV no kompara ho TB.

“Ida ne’e halo ema hotu-hotu sente laran-susar tebes bainhira ema hotu hatene katak, Hepatitis mak moras ida ne’ebé sei bele prevene no trata, maibé iha mundu tomak ema millaun 350 resin mak moris ho Hepatitis Viral, hanesan iha rejiaun sudeste Aziátiku, tokon 60 mak moris ho hepatitis B no besik tokon 10.5 mak moris ho hepatitis C króniku”, dehan Arvind liu husi nia diskursu iha Otél Timor 02/08.

Nia informa katak Timor iha ona ekipamentu teste, tratamentu no prevensaun atu prevene infesaun no salva moris, maibé 10% de’it mak hatene katak, sira iha Hepatitis, no besik 80% pasiente sira la asesu, ka la selu kuidadu dadus ne’e ladún barak iha Timor-Leste, tanba estudu previlénsia oi-oin hatudu 6.5% previlénsia ba hepatitis B, iha populasaun jerál no entre pesoál saúde sira hetan katak, previlénsia ne’e 4%.

Limitasaun ka la iha disponibilidade ba dadus rasik iha dezafiu boot ida, atu kontrola hepatitis B adisionál ba asuntu programátiku sira seluk hanesan, falta vijilansia rutina, limitasaun ba advokasia no asaun programátiku, limitasaun ba fundu ka la iha fundu dedikadu ba programa hepatitis iha orsamentu nasionál.

“Atu lori tratamentu moras Hepatitis besik liu ba komunidade no halakon hepatitis viral nu’udar problema saúde públika, asaun sira-ne’e labele hein, hepatitis bele prevene no trata hanesan ha’u mensiona ona iha leten, tanba ita iha ekipamentu,” nia informa.

Iha biban hanesan Ministra  Saúde Odete Maria Freitas Belo hatete, Hepatitis mak inflamasaun iha aten-boot, nune’e virus Hepatitis ne’e iha prinsipál 5, ne’ebé refere ba tipu A, B, C, D no E. Bai-bain Hepatitis A no E kauza husi hahán ka bee ne’ebé kontaminadu, enkuantu Hepatitis B, C no D mosu tanba hetan kontaktu parenteral ho fluidu isin ne’ebé infetadu.

Nia dehan, husi ida ne’e mak tipu 5 sai preokupasaun boot liu, tanba todan karga husi moras no mate ne’ebé sira kauza, no poténsia ba surtu no habelar epidemia, prinsipalmente hepatitis B no C, mak hamosu moras krónika ba ema rihun atus ba rihun no, hamutuk, sai hanesan kauza ne’ebé komún liu ba cirrosis no kankru.

“Ita mós iha vasina hasoru moras hepatites, importante ko’alia kona-ba Hepatites, oinsá maka ita nian aten ne’e iha kondisaun ne’ebé maka di’ak. Ita mós rekoñese katak, se loos maka kona moras ida ne’e, dalaruma ita hanoin katak, iha ema balun de’it maka la afetadu ba moras Hepatites”, dehan  Ministra Odete iha nia diskurso, Tersa-Feira ne’e iha Otél Timor, 2/08.

Nia esplika, HIV-SIDA ho Hepatites moras rua ne’e liga ba malu, ema ne’ebé maka moris ho moras Hepatites, nune’e ema hotu-hotu sempre deskonfia, karik nian iha moras seluk no HIV-SIDA, ou se karik nia dala ruma moras ho HIV-SIDA.

“Liu-liu hepatitis B liga liu kona moras seluk liu-liu moras ne’ebé maka hatama ba konkrita inklui moras sira hanesan HIV-SIDA hepatites moras rua ne’e liga ba malu, ema ne’ebe maka moris ho moras hepatites ita sempre deskonfia karik nian iha moras seluk no HIV-SIDA ou se karik nian dala ruma moras ho HIV-SIDA ita hanoin katak, nia moras hepatites espesialmente ba hepatites B, no mós iha hepatites sira seluk hanesan hepatites A,B,C,D,no E ne’ebé la liga ho relasaun sexual, ne’ebé fó impaktu ba ita nian Saúde”, nia hakotu.

Print Friendly, PDF & Email

LEAVE A REPLY

Please enter your comment!
Please enter your name here