Home Saude MS Asegura Implementasaun Programa Mal Nutrisaun no Bolsa da Mae

MS Asegura Implementasaun Programa Mal Nutrisaun no Bolsa da Mae

65
0
Ministra Saude (MS) no koordenador liña Ministeriais ba Covid-19 Iha Timor-Leste, Odete Maria Freitas Belo. [Foto: Media MS | 07.04.2021]

Reportajen Joselina dos Santos

Ministra Saúde (MS), Dra.Odete Maria Freitas Belo partisipa  iha reuniaun National Health  Sector Coordination Commitee Meeting For Q2″, ho objetivu atu ko’alia kona-ba polítika saúde no dezafiu  sira iha área setór saúde nian, hodi asegura implementasaun programa ne’ebé hetan orientasaun husi setór saúde liu-liu mal nutrisaun inklui mos Programa Bolsa da Mãe.

“Ami iha planu atividade liu-liu ba diresaun gabinete polítika planeamentu nian, ida ne’e sira nia  programa ida, hodi halo koordena avaliasaun hamutuk ho parseiru sira, atividade refere ami  hala’o kuaze fulan tolu, no iha parte daruak nian enkontru hamutuk ho parseiru sira ho topiku rua kona-ba Pakote serbisu Esensial aprezentasaun serbisu saúde nian, liu-liu ba dadus primária ne’ebe serbisu hamutuk ho Ministeriu Saude”, dehan, Ministra Saúde hafoin enkontru iha Salaun Palacio dos Cinzas  Caicoli, 01/08.

Hafoin enkontru, Ministra Saúde (MS),  Dra.Odete Maria Freitas Belo hatete, iha aprezentasaun daruak nian ko’alia kona-ba oinsá Ministériu Saúde bele utiliza maneira  Bolsa da mãe tanba Bolsa da Mãe  hanesan dalan ida atu bele hadi’a sira nia kobertura materna infatil nian, ba Saude liu-liu liga ho programa nutrisaun nian.

“Ami iha 56% ba iha Orsamentu Jeral Estadu (OJE), no mos fundu Kovid-19 nian bainhira ita sura Ezekusaun aktual ho 50% ne’e ha’u la konfirma didi’ak aktual, maibe ami atinje ona Orsamentu ne’e kuaze metade ona “, nia informa.

Governante ne’e deklara, Orsamentu hirak ne’e dahuluk sira ezekuta ba iha rekursu umanu hodi selu ema nia saláriu vensimentu no mos ba pesoál saúde kontratadu sira ne’ebe durante ne’e hala’o serbisu Covid-19 nian. Tanba Ita labele husik sira nune’e ami halo ezersísiu ida atu sira bele hetan osan husi Orsamentu Jerál Estadu, inklui ba servisu sira ne’ebe liga ho Mal nutrisaun no mos ba atividade sira ne’ebe hala’o iha munisipiu sira.

“Ami mos sei halo pagamentu ba kontrusaun sira ne’ebe iha tinan kotuk la konsege remata, ne’e duni ami sei lori orsamentu ida ne’e hodi halo pagamentu,  nune’e mos ami iha lei kona-ba kontrola ka atividade Farmasiosas ne’ebe iha no prepara hela lei espera katak ida ne’e bele aprova iha Konsellu Ministru, tanba ida ne’e koalia kona-ba oinsá atu bele  asegura Ai-moruk tradisional ne’ebe lori husi Rai liur inklui Ai-moruk sira ne’ebe ita halo iha ita nia rai rasik tanba dadaun ne’e ita iha Ai-moruk tradisional maibe seidauk iha entidade ida hodi halo tuir no haree ai-moruk nia kualidade no efikaz sira”, dehan Ministra

Print Friendly, PDF & Email

LEAVE A REPLY

Please enter your comment!
Please enter your name here