Home Notisia Lere: Kandidatu F-FDTL Balun La Koñese PR ho PM, AJAR: Sistema Edukasaun...

Lere: Kandidatu F-FDTL Balun La Koñese PR ho PM, AJAR: Sistema Edukasaun Mak La Loos

2923
0
Xefe Estadu Major Jeneral FALINTIL –FDTL, Tenente General Lere Anan Timur. [Foto: Santina Lucia | 09.06.21]

Reportajen Santina Lucia da Costa

Xefe Estadu Major Jeneral FALINTIL –FDTL, Tenente General Lere Anan Timur preokupa katak iha kandidatu F-FDTL foun barak maka lahatene se maka Prezidente Repúblika no se maka Primeiru Ministru.

Tuir Xefe Estadu Major General FALINTIL-FDTL, Tenente General Lere Anan Timur hateten, prosesu rekrutamentu F-FDTL, kandidatus balun la hatene Prezidente Repúblika, Primeiru Ministru, la hatene ninia Jeneral, ida ne’e problema boot, “ita nia joven sira ne’e balun foin mai hosi Indonesia, Australia no Portugal.

“Hau preokupa timoroan ho idade 20 resin kuaze 30, maka la koñese ita nia Prezidente Repúblika, Primeiru Ministru entaun sira (ekipa selesaun) hakarak atu elimina kedas iha ne’e, mais hau dehan labele fó sala de’it ba ita nia joven sira, fó sala mós ba ukun nain sira ne’e, edukasaun halo saida, nusa maka la hanorin, tau foto iha ne’eba Prezidente lu olo nia mai hosi ailaran, ida ne’e edukasaun,” hateten Tenente General Lere Anan Timur ba jornalista sira iha Palasiu Prezidensila, Nicolau Lobato, Bairu-Pite, loron, 9/6.

Lere Anan Timur haktuir joven sira ne’e balun moris de’it ho bola guling, kuru-kuru, hein bibi, ou karau iha foho ne’eba,  laiha televizaun entaun la koñese, maibé Lere dehan iha prosesu selesaun ne’e hare liu konaba saude

Entretantu Diretór Asia Justice and Rights (AJAR), Jose Luis de Oliveira, hatete ida ne’e konsekuénsia hosi ita nia sistema edukasaun maka la loos, iha kurríkulu edukasaun ne’e mak la dun apropriadu ho ita nia situasaun, ita nia kurríkulu ne’e haruka ema mak halo, ne’e duni konsekuénsia mak ne’e, ita nia oan sira la aprende.

“Ita nia kurríkulu edukasaun ema Portuges sira maka halo, ne’e duni kurríkulu ida ne’e la orienta ita atu atende ita nia kondisaun, atu aprende ita nia ema,  ne’e duni lere lamenta ne’e masuk akal, tanba ne’e konsekuénsia husi sistema edukasaun ne’ebé ladi’ak,  tanba la hanorin kona-ba ita nia istoria,  la hanorin kona-ba ita nia situasaun,’’ dehan Diretor AJAR.

Print Friendly, PDF & Email

LEAVE A REPLY

Please enter your comment!
Please enter your name here