Home Notisia STAE-CNE Sei Aplika Sentru Paralelu Ba Eleitór Hamutuk 1.487 Iha Australia

STAE-CNE Sei Aplika Sentru Paralelu Ba Eleitór Hamutuk 1.487 Iha Australia

258
0
Diretór Jerál STAE, Acalino Manuel Branco. [Foto: Joselina | 08.03.2022]

Reportajen Joselina dos Santos

Sekretariadu Tékniku Administrasaun Eleisaun (STAE), hamutuk ho Komisaun Nasionál Eleisaun (CNE), sei aplika sentru paralelu ba eleitor resenseadu no atualizadu hamutuk 1.487 iha Australia, hodi ezerse sira nia direitu de votu nu’udar sidadaun Timor oan.

Hafoin diskusaun, Diretór Jerál STAE, Acalino Manuel Branco hateten ekipa ne’ebe arranka  atu realiza eleisaun, ema hatene katak resenseamentu eleitorál ba jeral ne’e prosesu ida ne’ebé konklui ona iha loron 14 Janeiru ba iha espozisaun no lista final publika ona loron 17 Fevereiru.

“Ohin data ikus karik iha aliterasaun iha sentru votasaun, ita mos publika ona iha Jornál Repúblika tuir loloos iha loron 11, maibe tanba iha kestaun tekniku balun, entaun viajen sei hala’o fila fali iha dia 14 atu ba realiza eleisaun iha Korea do Sul, Lisboa, Reinu Unidu no iha Irlandia do Norte,” Dehan, Diretór Jerál STAE Acalino Manuel Branco hafoin diskusaun ba Jornalista sira iha Salaun Plenaria CNE Kolmera, 08/03.

Nia dehan kona-ba  kazu Australia ohin sira halo diskusaun katak hotu-hotu konkorda lori husu desizaun tribunal ninian, karik iha loron ida ka rua mak tribunal deside dehan bele sei kontinua preparasaun, se tribunal konkorda ho desizaun ne’ebe mak fo sai ona, prontu sira halo tuir desizaun tribunal nian, tanba iha prosesu eleitoral ne’e se mak instánsia ikus, foti desizaun iha Tribunal Rekursu, ne’ebe mak iha kompeténsia aas atu bele interasaun ba legalidade sira.

“Ita tuir prosesu ne’ebe iha, sira ne’ebe mak resenseadu no mos  atualizasaun bazeia ba dadus nian, tuir rekejitus atu ba ezerse sira nia direitu de votu ne’e mak tenke kartaun do eleitor, ba sira ne’ebe mak lalori kartaun eleitor ne’e oinsa atu bele komprova sira nia aan hanesan eleitór,” nia dehan.

Nia afirma maibe ba sira ne’ebe mak resenseadu ona, nia kartaun lakon antes tama ba iha loron eleisaun entaun sira bele lori billete identidade ou pasaporte Timor-Leste, basta sira nia naran ne’e iha listas votante, maibe karik sira nia iha lista laiha sira sei labele vota.

“Agora atu vota ne’e so aplika ba iha sentru paralelo, tanba sentru votasaun paralelo ita rejistu por volta mais 4 mill, embora iha sidadaun balun ne’ebe mak foin hato’o sira nia preokupasaun, maibe dala ida tan katak prosesu eleitorál tuir nia tempu, nia prosesu rejistu iha sentru paralelo taka ona iha loron 2 no  dadaun ne’e tekniku sira halo hela preparasaun, produs lista vontante ba iha Sentru votasaun paralelo 3 iha kapital Dili,” dehan Diretor Jeral STAE

Nia dehan Eleitor ne’ebe mak resenseadu no atualizadu iha ultimo eleisaun antisipada iha Australia  hamutuk eleitor 1.487.

Print Friendly, PDF & Email

LEAVE A REPLY

Please enter your comment!
Please enter your name here