Home Notisia CNE Prepara Ona Pergunta Ba Debate Públiku, La Autoriza Reprezentante Kandidatu PR...

CNE Prepara Ona Pergunta Ba Debate Públiku, La Autoriza Reprezentante Kandidatu PR Tuir Debate

652
0
Prezidente Komisaun Nasionál Elisoens (CNE), José António Belo. [Foto: David | 04.03.2022]

Reportajen Joselina dos Santos

Komisaun Nasionál Eleisaun (CNE), prepara ona perguntas ba kandidatu sira hotu hodi tuir debate publiku, ne’e sei hala’o iha loron 15 Marsu 2022, tanba ne’e husu ba kandidatu sira, lalika sente katak ida ne’e sai preokupasaun, maibe ida ne’e intensaun CNE nian atu promove kandidatu sira.

Hafoin reuniaun, Prezidente CNE ,Jose Belo hateten pergunta hirak ne’e maioria sei uza lian tetun maibé pergunta ida, presiza mos hatán iha Portugés, atu nune’e fo entrada  no introdús mos Portugés ne’e lingua ofisiál, ba Timor laiha intensaun seluk.

“Tanba ne’e ami sei buka forma ne’ebe di’ak, atu nune’e bele ajuda kandidatu sira hodi pronunsia di’ak ho programa sira nia vizaun no misaun ho di’ak, iha situasaun ne’ebe di’ak atu bele hato’o sira nia hanoin” Dehan Prezidente CNE hafoin enkontru ba Jornalista sira iha Salaun Plenaria CNE Kolmera, 08/03.

Nia dehan relasiona ba kandidatu sira ne’ebe mak haruka reprezentante kandidatu, hodi halo debate públiku, mak CNE hakerek kedas regulamentu no sei haruka ba kandidatu sira katak, sei laiha reprezentante husi kandidatu sira, maibe ne’e ba ikus ona entaun kandidatu rasik mak sei mai, tanba ne’e hanesan bonus ida ba sira nia kampaña loron hira nia laran.

“Ha’u hanoin di’ak liu kandidatu hotu-hotu marka prezensa  tanba ne’e importante ba Timor laran, i ne’e la’os tempu ida atu teste ba ema seluk, maibe ne’e hanesan atu promove tan kandidatu sira feto mane,  CNE sempre respeita sira nia dignidade no timoroan tenke hamutuk labele estraga malu iha situasaun sira hanesan ne’e,” nia dehan.

Print Friendly, PDF & Email

LEAVE A REPLY

Please enter your comment!
Please enter your name here