Home Notisia AJTL Realiza Editor Club Ba da Lima, Ho Tema Prevensaun COVID-19 no...

AJTL Realiza Editor Club Ba da Lima, Ho Tema Prevensaun COVID-19 no Nova Normalidade

203
0
AJTL realiza editor club. [Foto: Francisco JDA | 14.08.2020]

Reportazen Francisco JDA

Asosiasaun Jornalista Timor Lorosae AJTL realiza Editor Club Discussion ba dalima ho Tema, Prevensaun Covid-19 no Nova Normalidade depois de Estadu Emerjensia.

Objetivu hosi editor club ne’e atu hsae konnesementu xefe redasaun, editor, jornalista no membru AJTL sira relasiona ho asumtu importante sira, hodi nune’e ajuda editor no xefe redasaun sira, hodi hasae kualidade redasaun nian.

Prezidente Asosiasaun Jornalista Timor Leste ( AJTL) Zevonia Vieira ba Jornalista sira hateten, agradese tebes ba UNDP no KOICA ne’ebé kontinua apoio AJTL hodi halo diskusaun Ho Editor Xefi redasaun no Jornalista liga ho imformasaun ne’ebé importante sira.

“Ida ne’e editor club ba dala lima nian, hetan apoiu hosi UNDP no KOICA no serbisu hamutuk ho Konsellu Imprensa ho TVE-T neebe iha komitmentu ho espiritu, hodi kontinua fo informasaun ba publiku relasiona ho informasaun importante sira tuir nesidade publiku nian”, dehan Prezidente AJTL, iha salaun Konsellu Imprensa, 13/08.

Prezidente AJTL husu ba jornalista, edito, xefe redasaun sira no membru AJTL sira kontinua hasae konnesementu konaba siensia sira no termus sira ne’ebe importante, liu hosi editor club ne’ebe sai atividade regular AJTL nian, laos deit iha konnesementu konaba tekniku jurnalismu nian, maibe tenke haluan konnesementu hosi aspetu sira seluk.

Iha Fatin hanesan Presidente Konselho Imprensa Virgilio Guterres apresia tebes ba AJTL no TVE-T ba Komitmentu ne’ebé hatudu ona, editor club ne’e importante tebes, tanba liu hosi diskusaun sir hanesan ne’e, ajuda tebes jornalista no editor sira atu iha konnesementu ne’ebe klean konaba asumtu importante sira, hosi fontes importante sira.

Editor club ba edisaun ida ne’e orador mak Ministra Saude, Dra. Odete Belo, Diretor AJAR, Jose Luis Oliveira no Xefe Redasaun Neon Metin, Ato ‘Lekinawa’ Costa.

LEAVE A REPLY

Please enter your comment!
Please enter your name here