Home Saude COVID-19 no New Normal, Jose Luis: Presiza Kobertura Klean Ba Moras Dengue...

COVID-19 no New Normal, Jose Luis: Presiza Kobertura Klean Ba Moras Dengue no TBC

369
0
Editor Club Discussion AJTL. [Foto: Francisco JDA | 14.08.2020]

Reportazen Helena Pereira

Liu hosi Editor Club Discussion ne’ebe realiza hosi Asosiasaun Jornalista Timor Lorosa’e (AJTL), ho tema Prevensaun COVID-19 no Nova Normalidade (new normal. Red) depois de Estadu Emerjensia.

Diretor AJAR, Jose Luis Oliveira nudar orador hodi hare ba iha prespektiva direitus umanus nian hateten bazea ba sondajen ne’ebe mak The Asia Foundation halo hatudu katak maioria sidadaun preokupa no tau prioridade tebes ba COVID-19 iha nivel retorika.

“Hare ba realidade seluk ne’ebe ema adapta ho situasaun ida ne’e, iha mos momentu ne’eba ami halo suri tamba, ami nia mandatu servisu ba  vitima violasaun  diretus manus, iha 12 munisipiu hodi hare sira nia kondisaun. Vitima sira ne’e terus hahu hosi tempu okupasaun Indonesia, dala barak autoridade polisia sira mos iha komprensaun minimu, Polisia  bandu de’it tenke uza masker, tenke fase liman be-beik, no vítima sira hatene katak, atu prevene COVID-19 ne’e liu husi maneira sira hanesa ne’e, maibe iha sira nia moris bai-bain sira tauk de’it mak mate tanba hamlaha, sira la ta’uk mate tanba Covid-19, hare realidade la iha ema ida mak mate tanba COVID-19 iha ita nia rai Timor”, hateten Jose Luis Oliveira, iha salaun Konsellu Imprensa, 14/08.

Jose Luis hateten iha fatin balun ema preokupa liu moras Dengue, tanba iha realidade iha fulan Janieru to’o fulan Junhu mais menus iha ema nain 8 mak mate, no la dun iha kobertura klean bai ha moras ne’e.

Diretor AJAR akresenta katak iha propagasaun COVID-19, ema barak preokupa mos ho impaktu seluk hosi estadu emerjensia, liu-liu bai ha situasaun ekonomia tanba ema lakon rendimentu no lakon serbisu

Iha nivel internasional ita tama hela iha guera perdagangan ka negosiu, tuir ativista direitus umanus ne’e, karik ida ne’e parte hosi estratejia ida no halo ema atu la fiar katak moras ne’e iha duni ka lae?

Tuir Jose Luis katak estatistika hatudu katak ema preokupa liu ba COVID-19, no ema sira ne’ebe mate tanba Tuberculosis ema la preokupa

Jose Luis ezije ba governu presiza tau aspetu importante informasaun konaba saude publiku, tanba ema hotu iha direitu hetan saude ne’ebe diak relasiona ho aspetu direitus umanus.

Editor Club Discussion ne’ebe realiza hosi AJTL serbisu hamutuk ho Konsellu Imprensa no TVE-T no hetan apoiu hosi UNDP. Orador sira mai hosi Xefe Redasaun Neon Metin, Ato ‘Lekinawa’ Costa, Ministra Saude, Dra. Odete Belo no Diretor AJAR, Jose Luis Oliveira.

*(Helena Pereira estajiadu iha Media RENETIL-Neon Metin)

LEAVE A REPLY

Please enter your comment!
Please enter your name here