Home Notisia Xefe Editor Neon Metin: Presiza Haforsa Digital Literacy Iha Nova Normalidade Covid-19

Xefe Editor Neon Metin: Presiza Haforsa Digital Literacy Iha Nova Normalidade Covid-19

225
0
Xefe Redasaun Neon Metin. [Foto: Medi KI | 14.08.2020]

Reportazen Adroaldo ‘Saretukau’

Asosiasaun Jornalista Timor Lorsa’e (AJTL), realiza Editor Club Discussion ba dalima nian ho tema Prevensaun COVID-19 ho Nova Normalidade.

Iha abertura Prezidente AJTL, Zevonia Vieira hateten Editor Club Discussion ho nia fungsaun atu editor, xefe redasaun, jornalista sira no membru AJTL sira, hodi hasae konnesementu bai ha asumtu importante sira, ne’ebe mak fontes importante sira hatoo liu hosi diskusaun refere, laos termus tekniku konaba jurnalismu maibe siensia oin-oin ne’ebe mak fontes sira hatoo.

Zevonia hateten iha diskusaun dalima nian foka liu konaba prevensaun COVID-19 no nova normalidade depois de Estadu Emerjensia (EE), hodi hatene progresu no prevensaun hosi Ministeriu Saude nian, oinsa media nia kobertura iha prosesu prevensaun nian laran no oinsa prepektiva hosi direitus umanus nian relasiona ho estadu emerjensia.

“Media nia papel iha nova normalidade importante tebes, hodi halo advokasia konaba oinsa komunidade sira kontinua abetua moris ijiene hanesan fase liman bebeik, uza maskra no halo distansia fiziku no oinsa governu bele halo serbisu iha situasaun nova normalidade hodi kontinua proteje nia sidadaun”, hateten Zevonia iha salaun Konsellu Imprensa, 13/08.

Durante diskusaun Xefe Redasaun Neon Metin, Ato ‘Lekinawa’ Costa nudar orador hateten iha fulan Maiu The Asia Foundation halo sondajen ida no lansa hateten katak ema nia preokupasaun boot liu ba moras surtu Covid-19 ho amostra ki’ik ne’ebé partisipa hosi ema 400, kuaze ema 60% hosi ema atus 400 hateten katak  Covid-19 mak importante liu, no 18% seluk dehan ne’e polítika.

Nia hatutan depois de fulan Maiu tesik mai, jornalista tama ba iha preokupasaun foun ne’ebé mak lansa hosi governu konabá Lei Kriminaliza Defamasaun. Nune’e publiku sira preokupa ho situasaun ida ne’e, no jornalista sira hamutuk hodi haree katak, saída mak Ministériu Justisa koko halo ne’e, desvia atensaun boot ida jornalsita sira, ba situasaun ne’ebé mak sei afeita liberdade espresaun ema nian, ida ne’e afeita mos servisu sira konabá pulikasaun kobertura konabá Covid-19.

“Ita hasoru situasun ida iha ita nia rai tan kobertura kobre barak liu iha kapital ho ita nia nutísia polítika mak barak liu, nune’e notísia politika sira sempre domina, kobertura sira ne’ebé mak loloos ne’e fo atensaun Covid-19 nian. Kobertura iha situasaun Covid-19 nian, ita nia notísia barak liu ne’e Díli sentrik no situasau Covid-19 nian mos dala barak Díli Sentrik, saída mak akontese iha Díli ne’e mak ita kobre”.”, hateten Ato ‘Lekinawa’ Costa.

Nia hateten maibé ne’e karik iha relasaun forte ho ita nia rekursu mos. Ita nia kompañia mos la iha kbiit naton atu haruka jornalista sira halo kobertura sira ne’ebé mak dook liu hosi kompañia nia fatin, entaun ida ne’e sai preokupasaun.

Xefe redasaun ne’e hateten Timor-Leste seidauk tama iha situasaun ida normalidade foun (new normal. Red), tanba ita nia rai problema sosial barak mak seidauk rekopera no la hanesan baibain.

“Loloos ne’e buat ne’e la normal, tanba antes pre-Covid, ita iha situasun kiak, situasaun ne’ebé halo ema sofre barak, la iha asesu ba bee mos, la iha asesu ba dalan ne’ebé di’ak. Buat sira ne’e hotu oinsá ita dehan ida iha situasaun kotuk ne’e normal tuan ka old normal, no ida agora ita atu dehan ne’e normal foun ne’e signifika saída”, dehan Ato

Ato ‘Lekinawa’ Costa mos dehan presiza haforsa liutan aspetu digitalizasaun liu hosi digital literacy, ho nune’e hafasil kobertura sira ho membru governu sira, atu bele fo informasaun liu hosi telefone deit ba jornalista, sekarik nova normalidade ne’e implementa duni iha propagasaun COVID-19.

Editor Club Discussion ne’ebe realiza hosi AJTL, hetan apoiu finanseiru hosi UNDP no KOICA, serbisu hamutuk ho Konsellu Imprensa no TVE-T. Iha sesaun diskusaun ba dalima nian, orador mak Xefe Redasaun Neon Metin, Ato ‘Lekinwa’ Costa, Ministra Saude, Dra. Odete Bele no Diretor AJAR, Jose Luis Oliveira, no hetan partisipasaun hosi membru AJTL sira.

LEAVE A REPLY

Please enter your comment!
Please enter your name here