Home Saude Covid-19 Iha TL, Moras Dengue Mos Ameasa Saude Publika, Ema Nain 8...

Covid-19 Iha TL, Moras Dengue Mos Ameasa Saude Publika, Ema Nain 8 Mate Tanba Dengue

926
0
Imajen ilustrasaun moras dengue. [Foto: Copyright Beriasatu.com | 28.04.2020]

Reportazen Francisco JDA

Moras surtu Covid-19 sai nafatin preokupasaun publiku nian, tanba virus ne’ebe bele hadaet lalais hosi ema ida ba ema seluk, liu hosi kontaktu nebe besik liu ka  bainhira halo kontaktu besik ho ema ne’ebe positivu covid-19.

Maibe liu hosi konferensia imprensa iha centru media iha CCD, portavoz Centru Integradu Jestaun Krize [CIJK], Dra. Odete Viegas informa katak situasaun balun nebe sai mos ameasa ba saude publika iha Timor-Leste mak moras Dengue.

Tuir dadus ne’ebe iha katak hosi Janeiru to’o loron 27 Abril iha total 1050 kazu ba moras Dengue, iha Dili iha kazu ema nain 628, Ermera iha 293, restu iha municipiu seluk no fatin rua hanesan RAEOA no Viqueque mak sedauk relata kazu to’o agora.

Total ema ne’ebe mate tanba moras Dengue iha Dili nain 6, iha Baucau nain 1 no iha Covalima ema nain 1.

“Dengue lori husi (vetor) susuk ho naran Aedes aegypti, Susuk ne’e iha det temporada rua hanesan bai-loron no udan. Hamosu sinal sira hanesan isin manas makaas, durante loron haat to’o hitu, Ulun moras makaas, senti moras iha parte haleu matan nian [retro-orbitral], isin no ruin moras makaas, laran sa’e no muta, Diarea ka Te’e been.  Mosu musan-musan ho kór mean iha kulit. Wainhira iha sinais no síntomas hanesan iha leten no la trata lalais bele hamate ema”, hateten Dra. Odete iha CCD, 28/04.

Sinal no sintoma sira moras dengue iha tipu 2 mak hanesan Dengue isin Manas no Dengue Isin manas no’o raan. Dala Barak liu kauza husi mate mai husi Dengue isin manas no’o raan, tanba dengue tipu ne’e iha posibilidade boot atu lori ema ida ba kondisaun dengue shock syndrome,  tanba kauza raan sai husi inus, matan, muta raan, liur raan no kauza ita isin lakoon liquidos barak nebe lori ema ida tama ba kondisaun ida nebe grave ho falhu multiorgaun.

Tratamentu ho ai-moruk (tramento sintomatiku)asaun/hahalok sira ne’ebé mak ita bele halo mak deskansa barak, hemu be’e no hemu jus barak.

Ho situasuan ida ne’e CIJK nafatin apela ba populasaun atu kontinua investiga no responde ba surtu seluk no emerjensia hanesan Dengue maske ita mós nafatin foka ita hotu nia enerjia no rekursu hodi responde ba COVID-19 2.

Hamoos fatin sira ne’ebé be’e nalihun ba, hanesan be’e iha vasos ai-fuan, be’e iha roda laran, be’e iha butil laran.  Tesi/fukit duut ne’ebé moris besik iha ita nia hela fatin. Haloot sasan sira iha uma laran no mos liur

Uza mosquitero/toba iha mosquitero okos, uza faru no kalsa naruk bainhira halo atividade iha fatin sira ne’ebé nakonu ho susuk, uza ai-moruk anti-susuk hanesan aimoruk ne’ebé ita uza iha kulit (autan), ai-moruk ne’ebé uza hodi rega (Baygon, Hit,nst), ai-moruk ne’ebé tau iha be’e laran (lao’s bee hemu mak Abate no husu tulun ba iha servisu saude ne’ebé besik atu bele halo fumigasaun ka rega susuk iha nia komunidade.

Print Friendly, PDF & Email

LEAVE A REPLY

Please enter your comment!
Please enter your name here