Reportazen Francisco JDA
Centru Integradu Jestaun Krize [CIJK] relata dadus bamoras Covid-19 iha Timor Leste. Liu hosi konferensia imprensa iha centru media, portavoz CIJK, Dra. Odete Viegas esplika total ema ne’ebe halo testu hamutuk 597 kompara ho horseik iha 480. Total rezultadu laboratoriu pendentes iha ema nain 206 kompara ho horseik iha 89.
Ba total komulativu kazu konfirmadu mantein nain 24, laiha kazu foun ba iha loron 28 Abril, total resultadu laboratoriu negative iha 367. Total kazu rekuperadu ka kuradu nain 6. Total Profesionais Saude iha Kuarentena hamutuk ema nain 40 Pessoas.
Total ema iha kuarentena ka konfinamentu obrigatóriu hamutuk 411, hosi numeru ne’e total 363 mak hela iha konfinamentu obrigatoriu iha Dili hamutuk ema nain 294 no iha municipiu nain 69. Ba Auto-kuarentena iha Dili ema nain 8 no iha municipiu ema nain 40.
Ba ema sira ne’ebe pasa ona loron 14 hamutuk 1702, hosi numeru ne’e iha Dili ema nain 1357 no iha municipiu ema nain 345.
Dra. Odete hatutan katak kazu konfirmadu no kazu provavel ne’ebé agora Timor-Leste iha, sei nafatin restritu ba grupu ka klaster 7.
