Home Notisia Covid-19, 16 Abril, Kazu Foun Nain 10 Positivu Hetan Hosi Maluk Sira...

Covid-19, 16 Abril, Kazu Foun Nain 10 Positivu Hetan Hosi Maluk Sira iha Kuarentena Hotel Katuas

647
0
Portavoz CIJK, Dra. Odete Viegas. [Foto: Zevonia Vieira | 16.04.2020]

Reportazen Zevonia Vieira

Centru Integradu Jestaun Krize [CIJK] informa atual relasiona ho moras Covid-19 iha Timor-Leste, Portavoz CIJK, Dra. Odete Viegas liu hosi centru media CCD katak, loron 16 Abril kazu konfirmadu moras Covid-19 aumenta ema nain 10, maluk sira refere mai hosi fatin hanesan Kuarentena hotel Katuas.

Dra. Odete hatutan katak suspeitu hamutuk 229, provavel ema nain 4, negatovu ema nain 129, hein rezultadu ema nain 12 no kazu konfirmadu total hamutuk 18, 1 mak rekopera ka kuradu, signifika ema nain 17 mak ativu positivu.

Relasiona ho numeru ema ne’ebe iha kuarentena obrigatoriu total 567, iha Dili total 456 no iha municipiu ema nain 111. Konaba auto-kuarentena iha Dilia zero ka laiha, iha municipio ema nain 6. Ba maluk sira ne’ebe mak pasa ona loron 14 iha kuarentena obrigatoriu total 1339, hosi total numeru ne’e iha Dili 1122 no iha municipio 217.

“Nafatin ita aplika kuarentan obrigatoriu no agora dadauk muda tiha ona ba Tasi Tolu, bele okupa spasu ema ida, bele okupa kuartu ida, bele fo vantazen liu ba  maluk sira ne’ebe kuanrentena no nune mos ba professional saude sira, atu bele halo akompanhamentu diak liutan. Nafatin ita hatete katak durasaun ba loron kaurentena loron 14 maibe tuir OMS karik iha kazu positivu ruma ita sei prolongga loron 14 ba oin nafatin atu nune bele halo akompanhamentu ne’ebe diak liu no molok maluk sira ne’e atu fila ba hela fatin, ita sei halo fali testu, se negative ona mak lori fali ba sira nia hela fatin”, esplika Dra. Odete iha CCD

Dra. Odete mos hateten katak informasaun detalhu konaba maluk sira ne’ebe konfirmadu hosi hotel Kuarentena sei hatoo iha loron aban hosi portavoz CIJK.

Print Friendly, PDF & Email

LEAVE A REPLY

Please enter your comment!
Please enter your name here