Reportazen Santina Lucia da Costa
Primeiru Ministru, Taur Matan Ruak halo enkontru semanal ho Prezidente Republika, Dr Francisco Guterres Lu-Olo, hodi relata preokupasaun konaba surtu COVID-19 ne’ebe numeru konfirmadu kontinua sae, extensaun Estadu Emerjensia, fronteira no preparasaun ba vasinasaun
Ba jornalista sira Primeiru Ministru hateten situasaun fronteira no kazu konfirmadu pozitivu kontinua sae, tanba entrada illegal ne’ebe deskontrolu no agora dadauk halo hela teste swab iha Bobonaro no Covalima, iha serteza kontazen komunitariu nian iha ona ka lae, relata mos ba Prezidente Republika konaba vasinasaun nian, oinsa esforsu ba sidadaun sira atu hetan vasinasaun
Bainhira jornalista Timor Post husu ba Primeiru Ministru kona-ba Governu desidi ona lockdown, oinsa planu governu nian hodi hare ba nesesidade baziku ba sira?
Ba Timor Post, Primeiru Ministru hatan katak desizaun ne’e sei remara iha loron 3 Marsu, maibe iha medida atividade levantementu dadus.
“Agora dadaun halo hela teste massal iha Bobonaro ho Covalima, tuir informasaun ita atinji iha Covalima 100 resin horseik, no husi Bobonaro nian 300 resin”, informa Primeiru Ministru ba jornalista sira iha Palacio Prezidensial, Nicolau-Lobato, Bairo-Pite, 18/02.
