Home Saude Ekipa Covid-19 Kontinua Halo Serbisu, Dra.Odete: Objetivu Final Labele Iha Transmisaun...

Ekipa Covid-19 Kontinua Halo Serbisu, Dra.Odete: Objetivu Final Labele Iha Transmisaun Lokal

215
0
Portavoz CIJK, Dra. Odete Viegas. [Foto: Zevonia Vieira | 16.04.2020]

Centru Integradu Jestaun Krize [CIJK], apela ba familia sira no publiku relasiona ho nain 7 ne’ebe mak halo hela tratamentu iha fatin izolamentu Vera Cruz. Liu hosi konferensia imprensa iha centru media CCD, Portavoz CIJK, Dra. Odete Viegas hateten maluk nain 7 ne’ebe mak oras ne’e dadauk iha fatin izolamentu Vera Cruz, ho kondisaun no situasaun ne’ebe diak.

“Sira nia situasaun diak signifika sira laiha sintomas laiha isin manas no mear, maibe professional saude, mediku no infermeira sira nafatin halo akompanhamentu ba sira, mediku sira agora dadauk mos koordena atu iha psikologiku sira, hodi fo apoiu moral ba ita nia maluk sira ne’ebe agora dadaun iha hela izolamentu no familia sira, nune’e husu ba ema hotu atu bele koopera”, hateten Dra. Odete, 16/04.

Dra. Odete mos informa katak sekarik iha baze, iha servisus ne’ebe mak dadaun ne’e ekipa de trabalho halo iha frakeza ruma, ne’e la signifika katak serbisu ne’ebe ekipa sira halo la masimu.

“Ita hotu presiza atu tulun malu, hosi falansu ne’ebe mak iha bele hadia diak liutan, objetivu final mak ita labele iha kazu ne’ebe mak bele aumenta barak, liu-liu labele iha transmisaun local, ida ne’e mak ita hotu nia esperansa. Husu ba maluk sira nafatin fo fiar ba ekipa trabalhu, liu-liu ba maluk professional saude sira ne’ebe mak serbisu, atu nune’e ita kontinua serbisu hamutuk hodi hetan rezultadu ne’ebe mak tuir ita hotu nia hakarak”, hateten Dra. Odete

LEAVE A REPLY

Please enter your comment!
Please enter your name here