Home Notisia Portal Covid19.gov.tl/tp La Aktualizadu, Jose: Sei Hadia no Sei Sai Kanal Premeiru...

Portal Covid19.gov.tl/tp La Aktualizadu, Jose: Sei Hadia no Sei Sai Kanal Premeiru Atu ema Asesu

277
0
portal covid19.gov.tl/tp.

Portal Covid19.gov.tl/tp ne’ebe mak kria hosi Teknolojia Informasaun Komunikasaun [TIK] iha Gabinete Primeiru Ministru nia okos ho Ministeriu Saude, ho objetivu atu publika informasaun ne’ebe atual konaba moras Covid-19 ne’ebe hatoo hosi Centru Integrau Jestaun Krize [CIJK], maibe faktus hatudu katak portal Covid19.gov live nia aktualidade laiha [la up to date].

Neon Metin halo konfirmasaun ba Portavoz CIJK, Dra. Odete relasiona ho portal refere, tanba sa laiha aktualizasaun? Ba Neon Metin Dra. Odete hateten konaba Portal, “hau hatene liu mak hosi Ministeriu Saude nian mak pagina ne’ebe mak fo sai atualizadu kada loron antes CIJK harii”.

Iha fatin hanesan Neon Metin halo konfirmasaun Koordenador Unidade Informasaun Publika Centru Integradu Jestaun Krize, Jose da Costa relasiona ho portal Covid19.gov.tl/tp Koordenador Unidade Informasaun Publika CIJK hatan katak serbisu hamutuk entre Teknolojia Informasaun Comunikasaun [TIC] iha gabinete Primeiru Ministru nia okos ho Ministeriu Saude, portal ne’e kria tiha ona no fungsiona no iha inisiu de Abril sira hahu publika ona.

“Ekipa Ministeriu Saude ho ekipa centru media nian balun hetan ona treinamentu oinsa utiliza masimu portal ida ne’e, maibe iha laran presiza kriatan buat sira seluk atu nune’e bele hahu fungsiona, tanba ne’e mak to’o agora sedauk up to date ne’e ka la atualizadu, klaru katak informasaun barak kolega sira produs iha ne’e sedauk ba tau iha portal tanba buat balun sedauk kompletu”, esplika Jose da Costa ba Neon Metin iha CCD, 16/04.

Karik ida ne’e hanesan falansu ida ne’ebe mak presiza hadia? Ba Neon Metin Jose da Costa hateten Los klaru no tenke hadia no rekonnese, CIJK, MS no centru media tenke hadia duni no ba oin sekarik nia fungsiona ho diak, portal ne’e mak sai kanal primeiru, para ema hotu bele asesu informasaun.

Jose da Costa mos informa katak portal ne’ebe mak kria la selu cent ka osan ida tanba TIC rasik mak kria portal refere.

LEAVE A REPLY

Please enter your comment!
Please enter your name here