Home Justisa EE no Covid-19, Elvina: Presiza Fo Protesaun Ba Maluk Difisiensia no Vendedor...

EE no Covid-19, Elvina: Presiza Fo Protesaun Ba Maluk Difisiensia no Vendedor Ambulante Sira

660
0
Deputada Bankada Partidu Demokratiku, Elvina Carvalho. [Foto: Copyright FB | 16.04.2020]

Reportazen Francisco JDA

Situasaun ne’ebe agora dadauk  nasaun ne’e infrenta relasiona ho moras surtu Covid-19, ne’ebe mak numeru kontinua sae, halo publiku preokupa no paniku.

Iha loron 16 Abril VIII Governu Konstituisional aprezenta progresu servisu hasoru moras Covid-19 iha durante Estadu Emerjensia nia laran,  iha uma fukun Parlamentu Nasional. 

Iha plenaria refere, Deputada Bankada Partidu Demokratiku, Elvina Carvalho hatoo preokupasaun konaba lojas non esensiais ka lojas ne’ebe laos prioridade hanesan loja elektronika no fatin sira seluk kontinua loke, maske iha hela  situasaun estadu emerjensia, maibé dalaruma  polísia duni fali vendedor ambulante sira.

“Maluk sira ne’ebé faan modo vendedor ambulante sira dalaruma Polísia ba duni fali sira, tanba saida mak duni sira no mós tuir keixa ne’ebé mak ha’u rona no ida ne’ebé sira hato’o mai  katak sira sente diskriminadu.  Ha’u hanoin labele halo diskriminasaun ba implementasaun estadu emerjencia, liu liu ba maluk vendedor ambulante sira”, tenik Deputada PD Elvina Carvalho iha Uma fukun Parlamentu nasional, Quarta, 16/04

Deputada  Elvina Carvalho hatutan relasaun ho maluk difisensia sira ne’ebé mak dadaun ne’e la’o livre hela iha Dili laran no Municipio sira presiza tau atensaun no hetan protesaun.

“Ho tempu ida agora ne’e sira mós presiza hetan atensaun no protesaun hosi Covid-19, ne’e ha’u hanoin katak mesmu sira ho kondisaun moras mental maibé sira mós merese hetan protesaun”, tenik Deputada PD Elvina Carvalho

Maske nune’e deputada PD ne’e mos fo agredese ba esforsu tomak n’ebe mak governu halo ona, atu bele kombate moras Covid-19 iha Timor-Leste.

Print Friendly, PDF & Email

LEAVE A REPLY

Please enter your comment!
Please enter your name here