Home Notisia COVID-19: Vendedor Cecilia, Rendementu Tun, Kreditu $1.000, Osan Funan Sura Nafatin

COVID-19: Vendedor Cecilia, Rendementu Tun, Kreditu $1.000, Osan Funan Sura Nafatin

455
0
Vendedor Cecilia Emilia Guterres, Faan Iha Tasi Ibun Largo Lecidere (Foto: Frans JDA)

Reportajen Fransisco JDA

Vendedor sira hahu sente impaktu hosi Estadu Emerjensia COVID-19 nian. Sasan ne’ebe sira fan hahu ladun hetan folin. Vendedor iha tasi ibun Largo Lecidere, Cecilia Emilia Guterres, laran susar tebes tanba nia la hetan rendimentu ne’ebé di’ak atu sustenta familia uma laran, liu-liu ba han no hemu. Iha tempu hanesan, Ceciilia mos tenke selu osan funan ba ajensia kredit Moris Rasik.

Cecilia halo komparasaun ba nia situasaun antes emerjensia, no nia sente katak antes Estadu Emerjensia nia hetan rendementu diak no naton ba haree familia. Rendementu hahu tun bainhira tama ba Estadu Emerjensia.

“Uluk ne’e ema hola $10 too $20 hanesan ne’e, no ne’e ami sustenta ba ami nia família uma laran ne’e di’ak hela, maibé agora ne’e la iha liu. Ita tur-tur ema hola mak $0.25 too $0.50, la too $5 loron ida. Ami han etu maran, selae halo sasoro mak han. Sorte mós eskola sira para tiha, selae osan fo ba oan sira selu kareta mós araska, ” tenik vendedor Cecilia Emilia Guterres, Iha Bidau Largo Lecidere, 20/04.

Cecilia aumenta tan dadaun ne’e foti hela kompanha moris rasik nia osan maibé tanba estadu emergencia la’o hela nune’e fulan ida ona osan seidauk setor ba kompanha Moris rasik.

“Semana haat ne’e ha’u estor $92 ba Moris Rasik. Ami mak hanesan esforsu an de’it ne’ebé osan iha ka la iha ami tenki ba estor. Maibé to’o agora kompania Moris Rasik seidauk mai ejije, tanba sira mós hatene estadu emergencia. Nune’e sira mós la la’o sai, maibé estadu emergencia hotu ami prontu ba estor de’it ona, ” Cecilia Emilia Guterres espresa.

Feto maluk vendedor Cecilia salienta liu tan atu osan iha ka la iha la iha mós tenki ba estor tanba uluk foti kreditu osan totál  $1.000 maibé rona katak governu atu ajuda osan oituan no ai han oituan. Maibé rona de’it, governu seidauk foti dezisaun, maibé sasán ne’ebé faan ema atu halo ka la hola mós ne’e responsabilidade tenki ba estor.

Oxfam Timor-Leste hatama statement ba governu iha 23 Abril, no husu atu governu foti medida apropriadu atu taka ka pauza debe hosi empreza kik sira (formal no informal) no mos grupo agrikultor sira ne’ebe hetan impaktu hosi COVID-19 ba ajensia kreditu no banku sira.

Saida mak Cecilia rona kona ba apoio governo nian ba uma kain sira karik sei akontese duni, Cecilia mos hein ida ne’e. Governo mos koalia hela kona ba oinsa atu hakmaan todan ba ema sira mak foti kreditu. Bainhira planu ba tulun bisnis kiik nian lao ona, espera ne’e bele ajuda netik Cecilia.

LEAVE A REPLY

Please enter your comment!
Please enter your name here