Home Saude OMS Sensibiliza Moras Hada’et Husi Susuk Ba Média Sira, Hodi Fahe Informasaun...

OMS Sensibiliza Moras Hada’et Husi Susuk Ba Média Sira, Hodi Fahe Informasaun Loos Ba Komunidade

1239
0
Representante OMS iha Timor-Leste, Arvind Mathur Halo Sensibilizasaun Moras Hada'et Susuk Ba Média Sira,( Foto-Joselina)

Reportajen Joselina dos Santos

Organizasaun Mundial Saúde (OMS), iha Timor-Leste  halo sensibilizasaun ba moras hada’et husi susuk dengue, chikungunya no zika ba média Sira” atu tulun hodi haforsa koñesimentu Jornalista sira-nian kona-ba asuntu saúde hodi fahe informasaun ne’ebé loos ba komunidade sira.

Iha Sensibilizasaun ne’e, Reprezentante OMS iha Timor-Leste, Arvind Mathur, hateten, Kada loron OMS haree informasaun hirak ne’ebé média publika tuir dadus ne’ebé iha Timor-Leste,  ho nune’e sira nota katak semana ikus ne’e notísia barak kona-ba moras Dengue, Zika no Chykununya entaun moras hirak ne’e sai hanesan dezafiu ida ba Saúde iha Timor-Leste hasoru. Entaun importante tebes atu iha diskusaun kona-ba moras hirak ne’e entre média sira, atu bele haklean liu tan sira-nia  koñesimentu kona-ba moras hirak ne’e.

“Ita hatene katak Dengue laos akontese iha Timor de’it, maibe sai hanesan problema boot iha mundu. Entaun ho plataforma hirak ne’ebé iha bele ajuda hodi tulun komuidade sira atu hatene informasaun ho loloos. Aleinde ne’e OMS kolabora ho Ministeriu Saúde, hodi haree ba asuntu moras hirak ne’ebé hada’et husi sususk atu asegura komunidade sira. Dahuluk ita servisu hamutuk hodi haree liu ba kontrolu fatin susuk tolun liuhosi distribuisaun komunikasaun nomos suporta aimoruk susuk nian no hasa’e koñesimentu nivel komunidade nian,” dehan, Reprezentante OMS iha Timor-Leste, Arvind Mathur iha Salaun WHO Caicoli, Kinta 14/03.

Tanba ne’e, OMS mos haree ba dezaminasaun informasun no mobilizasaun komunidade tanba hakarak komunidade sira hetan informasaun ne’ebé loos, OMS mós fó apoiu tekniku ba Ministeriu Saúde hodi dezenvolve brosura. Ho ida ne’e mak OMS hakarak halo sensibilizasaun ba jornalista sira  tanba  média mos  iha papél importante  atu kontribui ba dezaminasaun informasaun ho loos atu komunidade sira bele prevene-an.

“Ami mos suporta Ministeriu Saúde halo matadalan bazeia ba evidensia no halo tradusaun tetun ba pessoál saúde sira uza hodi halo jestaun ba moras hirak ne’ebé hada’et husi susuk iha nivel Ospitál atu  jere komplikasaun ne’ebé akontese hodi suporta klinika nian,” Nia esplika.

Print Friendly, PDF & Email

LEAVE A REPLY

Please enter your comment!
Please enter your name here