Reportajen Filomena da Conceicao
Maria Domingas F. Alves (Micato) Prezidente Board Fokupers iha diskursu meza redonda Nasional, ba “REFLETE PROGRESU, FORTALESE KOMPROMISU JÉNERU LIU HUSI ALOKASAUN ORSAMENTU SENSIVEL BA JÉNERU IHA OGE 2027″ husu ba, PDHJ, Parlamentu nasional, no Polisia atu tau atensaun serius ba Mafia ne’ebe akontese iha Timor-Leste no tau atensaun mos ba lei kontra violensia domestika ne’ebe feto sira sai vitima nafatin.
“Ohin loron ita hetan ukun rasik an ho 26 anos maibe ita hetan mafia Hau tristeza loos ukun mafia iha ita nia rai, ne’e tuir lolos ita labele hetan, hau husu atensaun ba PDHJ, Parlamentu nasional no ha’u husu atensaun ba ita hotu ba polisia katak atensaun oituan ba mafia hau la kontete mafia mosu iha ita nia rai” hateten domingas iha ninia diskursu, iha salaun Delta Nova, segunda 27/07
Nia haktuir, atu hahu hateten katak, atu hanoin fila-fali ba fokupers Nia exstensia hahu iha 1997 too agora halo 29 anos, kuandu koalia hanesan ne’e ha’u hanoin fali buat hotu ne’ebe iha 1997 ha’u Ema ne’ebe brani ho kolega sira atu kuida fokupers.
“Tanba ne’e, loron hirak ne’e ha’u hanoin Hela de’it istoria ne’ebe halo Ita labele haluha, deskulpa Hau Hau oituan koalia hanesan ne’e maibe Hau hanoin importante ita hotu hantene katak molok ita ukun rasik an ohin loron Ita to’o 26 anos ita liuhusi prosesi naruk ida”,Nia esplika
Prosesu ida Ema barak nunka hatene saida mak akontese, ita liuhusi prosesi naruk ida, prosesu ida ne’ebe Ema barak nunka hatene saida mak akontese ami ne’ebe sofre situasaun ida ne’e, ohin loron atu aprovoita oportunidade Ida ne’e, atu hatoo iha meza redonda ida ne’e katak laos fasil ba hetan Ulun rasik an.
“Hau hein katak ho meza redonda ida ne’e Ita presiza atu halo ba oin kontra violensia domestika ne’ebe feto sira sai vitima nafatin, loron 2 liuba ha’u sei simu telfone ha’u tenke haruka mai fokupers imi atende feto maluk sira ne’e ka Lae”, dehan Micato
Depois de 26 anos depois ita restaura 24 anos, ha’u triste nafatin, lei kontra violensia desde iha 2010 iha tempu neeba foufoun ha’u tebe rai loos tanba lei kontra violensia domestika aprova iha konsellu Ministru, ha’u tebe Rai iha konsellu Ministru tanba ha’u hakarak lei nee tenke aprova no lei ne’e aprova duni.
Uma mahon fokupers aprova duni, uma mahon fatin- fatin halo tan maibe kuitadu feto sira sei terus nafatin ba violensia domestika ne’ebe lolorn halo Ita hakfodak Ita triste hanesan ami tama ona ba terseira idade ne’e ami husu ba ita boot sira ne’ebe foinsa’e atu kontinua servisu hanoin katak meza redonda ne’e sai revizaun ida ba lei liuliu husu ba sekretaria estadu, liuliu husu ba Parlamentu nasional liuliu ba xefe komisaun F atu bele hamutuk ho Fokupers ho parseiru sira seluk ita bele halo revizaun ba lei kontra violensia domestika.
“Ita bele hein katak Ita bele husik plataforma ida foun no diak liu ba ita nia feto maluk Sira seluk hanesan vitima, ha’u hanoin katak depois de tinan 24 violensia domestika podia diminui maibe aumenta nafatin maibe ha’u simu realidade ne’e tanba polilasaun mos aumenta” Nia hakotu.
