Home Notisia Parabens Ba Xanana, TMR: Saude e Felicidade, Dook Iha Matan Besik Iha...

Parabens Ba Xanana, TMR: Saude e Felicidade, Dook Iha Matan Besik Iha Fuan

813
0
Taur Matan Ruak ho Kay Rala Xanana Gusmao. [Foto: Copyright google | 20.06.2020]

Reportazen Zevonia Vieira

Loron 20 Junhu nudar loron moris ba lider istoriku Kay Rala Xanana Gusmao. Ba tinan dala 74, Primeiru Ministru Taur Matan Ruak, hatoo ksolok moris, ho desejo saude diak no vida narauk nafatin.

Liu hosi komunikadu imprensa ne’ebe Neon Metin asesu Taur Matan Ruak hatoo saude diak no vida naruk nafatin, hodi hamutuk serbí ita-nia rai doben Timor-Leste.

“Tanba sei iha misaun boot ne’ebé ita presija atu konkista, mak moris di’ak ba ita-nia povu i atu konkista ida ne’e, presija ita-nia hamutuk, independentemente iha difrensia hanoin no vizaun, maibe hotu-hotu ho hanoin ida de’it katak Timor tenke  ba oin”, hateten Taur Matan Ruak, 20/06.

Iha mesajen ikus Primeiru Minsitru mos lia menon badak ne’ebe hateten saude e felicidade, longa vida, parabens Maun Boot, dook iha matan besik iha fuan, hosi alin amado, Taur Matan Ruak.

Kay Rala Xanana Gusmao moris iha municipio Manatuto, iha loron 20 Junhu 1946. Ohin loron Kay Rala Xanana Gusmao nudar Prezidente partidu Congresso Nacional de Reconstrução de Timor Leste (CNRT).

LEAVE A REPLY

Please enter your comment!
Please enter your name here