Home Notisia Media RENETIL Talitakum Moris Hikas Ho Plataforma Online, Hugo: Hamrik Hikas Iha...

Media RENETIL Talitakum Moris Hikas Ho Plataforma Online, Hugo: Hamrik Hikas Iha Tempu Defisil

507
0
Xefe Editorial, Hugo Fernandes. [Foto: Santina Lucia da Costa | 21.06.2020]

Reportazen Francisco JDA

Media Resistência Nacional dos Estudantes de Timor-Leste (RENETIL) Talitakum reativa fila fali, hafoin tinan liu tinan 10 la lao.

Iha loron 20 Junhu 2020 Talitakum hahu ativia fali ho plataforma online, iha loron komemora loron moris RENETIL nian ba dala 32.

Iha lansamentu Talitakum.tl Xefe Editorial, Hugo Fernandes hateten iha 1998 RENETIL iha inisiativa ida hosi Saudozu Fernando ” Lasama” konvida ativista membru RENETIL sira ne’ebé konsentra iha Jawa no Bali, Bogor hodi tuir formasaun Jurnalismu .

Hosi formasaun ne’ebé estudante resistesia sira aprende, nee ho rezolusaun katak tenki harii media ida iha momentu neeba, la’ós ho karakter klandestina,  tanba RENETIL iha media klandestina barak los iha tempu ne’ebá.

Hugo hateten iha tempu ne’eba Talitakum hau media ida ho karater nakloke, tanba halo mós polítika RENETIL nian tempu Konflitu.  RENETIL fo orientasaun harii media ho intensaun atu kontra disinformasaun hosi media Indonesia nian, nune’e mós kontinua fanu espiritu estudante juventude iha Indonesia.

Estudante hirak ne’ebé  tuir formasaun jurrnalismu, hodi harii media Talitakum mak Virgilio Guterres “Lamukan”, Mika, Carlito no sira seluktan. Talitakum hamriik la’ós forma klandestina nian, hodi loke an maske iha regime militár Soeharto nia tempu, to’o Timor ukun an, nafatin kontinua no iha 2005  too 2006 la halo nia fuansaun kuaze tinan 14.

Talitakum signifika katak “Hamriik Ba” presiza tinan sanulu resin, atu hamriik fila fali. Ohin Talitakum hamriik hikas fali ho forma kompanha nian, katak  Kadalak Media Grupu (KMG) la’ós ona iha sombra RENETIL nian,  maske ema RENETIL mak harii, Talitakum ne’e produtu ida hosi KMG kompania, fokus ba publikasaun,  hakerek istoria no memoria barak no formasaun Jurnalismu nian.

Tuir Fundadór Media Talitakum, Hugo Fernandes iha Aniversariu RENETIL ba dala 32 iha Sede RENETIL hateten, Media Talitakum hamriik hikas iha situasaun Estadu Emergencia, ho kontestasaun polítika makas. Iha tinan 1998 hamriik iha tempu difisil no 2020 mós hamriik iha tempu deifisil, tanba buat hotu namkari iha fatin barak.

“Ba oin apoio hosi RENETIL, kontinua ami hili nafatin istoria sira ne’e, para depois ami nia ain sama metin iha uma fukun ida RENETIL, mak sei fo nia lalaok ida oin seluk”, hateten Hugo Fernandes.

Iha fatin hanesan Sekretario Jerál RENETIL, Joaquim Fonseca “Russuo” iha sesaun lansamentu hateten katak, ema hotu hatene tanba kompanheiro balun iha Portugál mós simu publikasaun Talitakum nian ba kontribuisaun Indonesiazasaun Konflitu.

“Ita hotu haksolok ohin Talitakum hamriik  fali, hosi organizasaun ida ne’e, ita apoia tanba mesmu agora foti forma seluk maibé nia orijen hosi pensamentu RENETIL nia laran, ha’u haksolok Talitakum la hela de’it istoria, mas depois ukun an nia mós Talitakum fali. hatoo mós parabens ba Kompanheiro sira ne’ebé harii Kadalak group”, hateten Hugo

SekJen RENETIL mos fo parabens ba Media Neon Metin ne’ebe mak ohin mos selebra nia loron moris, ne’ebe halao nia operasaun ho format online.

“Neon Metin katuas liu Talitakum, tanba ne’e mak sira reativa uluk depois agora Talitakum”, tenik SekJen RENETIL iha sede RENETIL Farol, 20/06.

Iha lansamentu media Talitakum.tl, ofisialmente loke hosi Sekretario Jerál RENETIL, Joaquim Fonseca “Russuo” hafoin RENETIL hala’o nia Aniversariu ba dala 32 existensia.

Estrutura Kadalak Media Group LDA Talitakum mak Xefe Ezekutivu Altide dos Santos, Xefe Editorial Hugo Fernandes, Editor Ezekutivu Virgilio da Silva Guterres, Konsellu Editorial Hugo Fernandes, Virgilio da Silva Guterres, Rigoberto Monteiro, Mica Bareto, Fernando Ato Costa, Guteriano Nicolau Neves, Carlito no Aquino Vieira.

Print Friendly, PDF & Email

LEAVE A REPLY

Please enter your comment!
Please enter your name here