Home Notisia Governu Halo Preparasaun Implementasaun Vasina, Faustino: PNTL Iha Frontline Prontu Hetan...

Governu Halo Preparasaun Implementasaun Vasina, Faustino: PNTL Iha Frontline Prontu Hetan Vasina

301
0
Primeiru Ministru Taur Matan Ruak. [Foto: Santina Lucia da Costa |14.01.2021]

Reportazen Santina Lucia da Costa

“Nasaun hotu-hotu, ohin loron halo ida ne’e, agora se PNTL hola parte iha frontline, ne’e hanesan oportunidade di’ak ida, Vasina ne’e di’ak ba ita nia saude, nusa mak ita tenki rezeita ida ne’e”. Komisariu Faustino

Primeiru Ministru, Taur Matan Ruak halo enkontru semanal ho Prezidente Republika, Dr. Francisco Guterres Lu-Olo, hodi atualiza atividades governu nian konaba Sesta bazika, Seguransa no liuliu Estadu Emerjensia Covid-19 nian.

Hafoin enkontru ho Prezidente Republika, Dr. Francisco Guterres Lu-Olo ba jornalista sira, Primeiru Ministru informa katak dadaun ne’e ema pozitivu COVID-19 na’in 6 de’it ona mak baixa iha sala izolamentu Vera Cruz, ho nune’e governu haree oinsa halo revizaun ba exsibiliza ba medida sira hotu para atividade sira bele lao normal.

Jornalista GMNTV bainhira konfirma konaba sidadaun balun preokupa, konaba oinsa mak atu implementa vasina tun ba baze? ba kestaun ne’e Primeiru Ministru hatan katak dadaun ne’e ita harii komisaun inter-ministerial ida, ho komisaun tekniku ida, depois planu ba vacina COVID-19 nian, entaun komisaun inter-ministerial sei lidera husi Vise-Primeira Ministra, Armanda Berta, hodi haree preparativus hotu to’o implementa vasina ne’e, to’o tempu ita nia sidadaun sira no ita hotu sei hatene.

Iha fatin hanesan Komandante Jeral Polisia Nasional Timor-Leste (PNTL), Komisariu Faustino da Costa,  PNTL hola parte mós iha frontline hateten vasina ne’e hanesan oportunidade di’ak no vasina ne’e di’ak ba  saude, labele rezeita no pronto atu hetan vasina.

“Ne’e programa governu nian, ne’e mós mai husi internasional. Nasaun hotu-hotu, ohin loron halo ida ne’e, agora se PNTL hola parte iha frontline, ne’e hanesan oportunidade di’ak ida, Vasina ne’e di’ak ba ita nia saude, nusa mak ita tenki rezeita ida ne’e”, hateten Komisariu Faustino da Costa.

LEAVE A REPLY

Please enter your comment!
Please enter your name here