Home Uncategorized Dr. Rui: Hafoin iis Kotu, Rezultadu PCR Hatudu Replikasaun Virus Aumenta tan...

Dr. Rui: Hafoin iis Kotu, Rezultadu PCR Hatudu Replikasaun Virus Aumenta tan Iha Isin-Mate

2637
0
Koordenador Forsa-Tarefa ba Prevensaun no Mitigasaun Surtu COVID-19 iha Timor Leste, Dr. Rui Maria de Araújo. [Foto: Francisco JDA | 11.03.2021]

Reportazen Zevonia Vieira

“Faktu ida ne’e konsistente ho koñesimentu sientifiku ne’ebé sai baze atu Organizasaun Mundial Saude (OMS) rekomenda funeral espesial ba kazu óbitu ho virus SARS-CoV-2 iha sira nia isin, hodi prevene labele hadaet tutan ba ema seluk. Informa mós katak médiku ida ne’ebé mate-bian familia sira temi iha video ida ne’ebé viral (Dr Joni), ohin teste PCR pozitivu. hatudu katak médiku ne’e mós kontajiadu COVID19”. Dr. Rui

Liu hosi sala de situasaun Centro Integradu Jestaun Krize (CIJK), Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, CIGC-SS, Dr.Rui Maria de Araújo esplika konaba istoria klinika pasiente ne’ebe hakotu nia iis hodi kalan no tuir rezultadu swab test ne’ebe hatudu diagnostikadu pozitivu COVID-19.

Dr. Rui Araujo hateten mane idade 44, pozitivu SARS-CoV-2 iha loron 11 Abril 2021 (foti amostra iha dia 11 Abril 2021, iha Emerjénsia HNGV). Matebian hela iha Comoro, Dili.

Ambulánsia foti nia husi uma, to’o iha emerjensia iha 18H11, hatudu kondisaun sonolentu, ran sai husi inus, no dada iis susar. Husi ezame fiziku ba sinais vitais hetan tensaun arterial 140/80 mmHg, pulsasaun 115X/minutu, frekuénsia respirasaun 32X/minutu, saturasaun Oksijéniu 77%.

Dr. Rui hatutan ekipa emerjénsia nian halo primeirus sokorrus, hafoin halo ezame diagnostiku adisionál ho eletrokradiograma & raiu X hirus matan, no to’o iha diagnoze traballu Suspeitu AVC (acidente vasculo cerebral) hemorrajiku.

“Tamba mós pozitivu SARS-COV-2, kazu ne’e konsideradu COVID-19 kategoria grave, no ekipa konjunta saúde deside enkamiña ba izolamentu Vera Cruz. Hafoin deteta pozitivu SARS-CoV-2, foti mós amostra husi membru familia nain 3 ne’ebé akompaña. Husi nain 3 ne’e nain 2 pozitivu”, dehan Dr. Rui, 12/04

Matebian ninia CT (cycle threshod) iha rezultadu PCR iha loron 11 Abril: N2 gene 25.1; E gene 24.7.  Ekipa evakua ba kedas ba izolamentu Vera Cruz. Pasiente iis kotu iha 21H21.

Ninia rezultadu test PCR post-mortem (amostra hasai iha maizoumenus 12H00, loron 12 Abril 2021), Pozitivu ho CT (Cycle Threshold) N2 Gene 18.6; E Gene 17.0. Oras 13 hafoin iis kotu, rezultadu PCR hatudu replikasaun virus aumenta tan iha isin-mate.

“Faktu ida ne’e konsistente ho koñesimentu sientifiku ne’ebé sai baze atu Organizasaun Mundial Saude (OMS) rekomenda funeral espesial ba kazu óbitu ho virus SARS-CoV-2 iha sira nia isin, hodi prevene labele hadaet tutan ba ema seluk. Informa mós katak médiku ida ne’ebé mate-bian familia sira temi iha video ida ne’ebé viral (Dr Joni), ohin teste PCR pozitivu. hatudu katak médiku ne’e mós kontajiadu COVID19”, esplika Dr. Rui

Print Friendly, PDF & Email

LEAVE A REPLY

Please enter your comment!
Please enter your name here