Reportajen Silvino Freitas
Governu liuhusi Vise-Primeiru Ministru no Ministru Koordenadór Asuntu Sosiál konsidera governu seida’uk dezenvolve diak parke nasional sira hanesan Parke Nino Konis Santana, Parke Kairala Xanana Gusmao no Botanik Francisco Xavier bazika atu sai sentru ekonomia turizmu nian, nunee mos iha area turimu seidauk iha infraestrutura diak hanesan bee-moos, ospital, estrada no telekomunikasaun neebe bele fasilita visitor sira.
Tuir Vise Primeiru Ministru no Ministru Koordenador Asuntu Sosial Mariano ‘Asanami’ Sabino dehan, parke nasional nino konis santa ne’ebé iha ona faze organizadu maibe tenke dezenvolve iha okos sira atu bele benefisia ema sira ne’ebé hela besik iha area parke nian hanesan industria ekonomia iha area turizmu nian.
“parke nasionál kailara xanana gusmao ne’e ita bele haree katak seidauk dezenvolve diak, botanic Fransisku Xavier nee mos seidauk dezenvolve diak, area rezervadu tilomar tau matan hela nee hotu ita konsensializa ba povu hotu iha laran para atu kuidadu” dehan Asanami, (21/07).
Nia dehan tan, presiza mós dezevolve politika ambiental ne’ebé dadaun nee hetan apoia bar-barak no karbon kredit ne’ebé timor leste tenke asesu ona atu ema sira ne’ebé moris besik ailaran nee moris diak, nunee mos seitor produtivu hanesan turizmu no agrikultura tenke dezenvolve ho diak, enkuantu area turizmu nian tenke iha infraestrutura ne’ebé diak hanesan estrada, ospital nasional no internasional no turizmu mos presiza infraestrutura seluk hanesan bee moos no telekomunikasaun atu vizitante sira kuandu iha area rural bele komunika nia familia sira.
“ita hein katak dadaun nee ita lao hela kabu submarine lakleur tan bele estabelese ona, internet folin seu tun ba area hotu hotu dijitalizasaun ba ita nia potensia sira para ema bele haree no tun maibe ema mos bele komunika nafatin ba familia” konklui V Mariano ‘Asanami’ Sabino.
