Home Saude Risku Hosi Variant Delta, MS: Tau Atensaun Iha Fronteira Ema Labele Tama...

Risku Hosi Variant Delta, MS: Tau Atensaun Iha Fronteira Ema Labele Tama Ilegal

1591
0

Reportajen Santina Lucia da Costa

Relasiona ho virus SARS-CoV-2  B.1.617 variante Delta ne’ebé mak daudaun ne’e akontese iha nasaun  seluk inklui Indonesia, nune’e preparasaun téknika husi Ministériu Saúde atu bele prevene variante refere mak tau nafatin atensaun iha fronteira sira.

Tuir Ministra Saúde, Dra. Odete Maria Freitas Belo katak atu prevene variante Delta foun ne’e mak tau nafatin atensaun ba iha  fronteira sira, ema labele tama ilegal, depois portu, aeroportu ita nafatin fó fleksibilidade katak, sira bele tama bainhira kuandu vasina dala rua ona, sira bele tama, maibé la presiza halo kuarentena, maibé situasaun sira hanesan ne’e bele muda tuir dezenvolvimentu COVID-19 nian rasik.

Ministra Saúde hatutan la’os governu de’it mak responsabiliza kona-ba oinsá atu bele prevene COVID-19 ne’e tama iha ita nia rain, bele hada’et entre ita, ita hotu-hotu ninia obrigasaun.

Dra. Odete Maria Freitas Belo dehan karik Covid-19 mak eziste duni, ita hotu-hotu nafatin halo prevensaun ba variante Delta foun ne’ebé ita boot sira ko’alia ne’e la diferente, nafatin uza maskra, fase liman ho sabaun ho hand sanitizer no nafatin mantein distánsia sosiál.

“Hotu-hotu se bele iha konxiénsia atu ba simu vasina, ne’e ita sei forte liu tan hasoru moras COVID-19, ne’ebé sei mai ho ninia variante Delta foun ne’ebé sei mai,” informa Ministra Saúde Dra. Odete Maria Freitas Belo, ba jornalista sira hafoin enkontru ho Xefe Estadu iha Palasiu Prezidensial, Bairo-Pite, 12/07.

Kona-ba variante Delta foun, karik mosu iha Timor-Leste jornalista husi RTTL.EP husu entermus kondisaun ho ekipamentu karik Ministeriu Saude sei garante?

Ministra Saude hatan katak ita la preparadu, ita atu prepara to’o iha ne’ebe,  “ita nia situasaun, ita sistema saúde ami koko atu prepara, maibé sistema saúde nafatin ita koko atu prepara, tanba ne’e mak ita sempre husu atu halo prevensaun uza maskra”.

Nia reforsa tan katak, balun la uza maskra ne’e labele, entaun ida ne’e mak kontribui ba ita nia nasaun, ita labele espera situasaun ne’ebé la di’ak, ita sempre otimizmu katak situasaun aat sei la akontese iha ita nia rain ho ita hotu-hotu nia kooperasaun, ita hotu-hotu nia kontribuisaun ba rai ida ne’e atu labele mate, labele moras lori ita ba toba iha hospitál ne’ebé sei fraku teb-tebes.

Print Friendly, PDF & Email

LEAVE A REPLY

Please enter your comment!
Please enter your name here