Home Notisia CEPAD Husu PR Buka Dalan Diak Hodi Rezolve, Importante Iha Justisa Sosial...

CEPAD Husu PR Buka Dalan Diak Hodi Rezolve, Importante Iha Justisa Sosial Ba Ema Hotu

158
0
Diretor CEPAD Joao Boavida iha palacio prezidensia. [Foto: Santina Lucia da Costa

Reportazen Santina Lucia da Costa 

Centro de Estadu Para Paz e Dezenvolvimentu [CEPAD], hasoru malu ho Prezeidente da Republika, Dr. Francisco, tanba Xefe estadu hakarak rona opiniaun hosi CEPAD relasiona ho impase politika ne’ebe akontese.

Hafoin remata enkontru Diretor CEPAD, Joao Boavida hateten CEPAD simu konvite hosi Prezidente da Republika, hodi hatoo hanoin konaba situasaun politika ohin loron nian, tanb CEPAD iha tinan barak nia laran, halai liu ba iha dialogu permanente harii dame no kontribui ba harii estadu hodi hametin paz.

Diretor Joao Boavida hateten, ho servisu ne’ebe mak halo ona, CEPAD fo hanoin ba Prezidente, oinsa bele hamenus oituan todan ne’ebe agora timoroan enfrenta hela, atu nune’e buka hamutuk dalan ida ne’ebe bele fo livre ba situasaun politika nian.

Pontu espesifiku kabe ba Prezidente da Republika fó sai bainhira nia rona hotu ona opiniaun husi oraganizaun hotu-hotu, no na’in ulun sira hotu, maibé CEPAD orienta de’it dehan katak, sei falta tan tinan rua atu ba eleisaun 2023 nian, ne’ebé saida de’it mak Prezidente da Republika desidi, di’ak ida hamenus todan ne’e liu husi formasaun governu, sekarik ida ne’e nudar rezultadu hosi konsultasaun, atu nune governu ne’e mos labele todan, labele mahar hodi nune;e hatan deit ba prosesu tinan rua nian ho kualidade, atu nune’e bele lori ita sai hosi situasaun kritiku.

“Hau fiar katak nain ulun governantes sira, partidus politikus sira no ita hotu lakohi atu infrenta eleisaun antisipada ida, tanba ne’e ita hakarak habrani nain ulun sira, governantes sira tur hamutuk ba, rona malu ba, ho orientasaun Prezidente da Republika nian bele hetan alternativu seluk ida di’ak liu tan eleisaun antisipada”, tenik Diretór CEPAD.

João hatutan, bainhira koalia konaba paz dalabarak halai liu ba paz negativu, ida ne’e mak agora Timor enfrenta hela, maibe paz pozitivu katak iha justisa sosial, ema hotu moris iha Lei nia okos, sidadaun hotu iha oportunidade hanesan

“Apezar ita moris iha situasaun kritika ho impase politika, maibé Prezidente da konsege lori prosesu governativu ida ne’e ho nia orientasaun rasik, maske naha ne’e todan”, dehan João Boavida.

 

 

 

 

LEAVE A REPLY

Please enter your comment!
Please enter your name here