Home EduTek MEJD Organiza Workshop Konaba Oinsa Hadia Kualidade Edukasaun, Liu Hosi Hadia Dadus

MEJD Organiza Workshop Konaba Oinsa Hadia Kualidade Edukasaun, Liu Hosi Hadia Dadus

275
0
MEJD, Dr. Armindo Maia. [Foto: Copyright Media MEJD | 22.09.2020]

Reportazen Francisco JDA

“Governu hakarak iha sistema baze de dadus ne’ebe efikaz, kredivel, atualizadu, transparante no amizavel ba uzuariu sira ka user friendly no reflete duni realidade ne’ebe eziste iha eskola sira no iha Ministeriu nia laran”. MEJD

Ministeriu Edukasaun Juventude no Desportu (MEJD) organiza workshop nasional ho tema Hadia Kualidade Edukasaun, Liu Hosi Hadia Kualidade Dadus Edukasaun nian. Liu hosi workshop refere atu hare konaba estatistika edukasaun, ho objetivu atu halibur hanoin kritiku sira, komentariu no rekomendasaun hosi parte relevante sira hotu, hodi nune’e MEJD bele hadia sistema baze de dadus konaba aspetu nivel oioin hosi eskola no profesor sira

Liu hosi komunikadu imprensa ne’ebe Neon Metin asesu esplika katak dadus Education Management Information System (EMIS) 2019  iha eskola hamutuk 1,834 no estudante hamutuk 392,178 hosi nivel edukasaun pre-eskolar to’o ensinu sekundaria publiku no privadu, numeru ne’e reprezenta kuaze 30% hosi populasaun Timor-Leste laran tomak, numeru ne’e seidauk inklui estudante timoroan ne’ebe eskola iha internasional sira iha Dili laran, nune’e dadaus ne’e mos la inklui estudante nivel ensinu superior no politekniku sira.

 Ministro Edukasaun Juventude no Desportu, Dr Armindo Maia dehan  governu hakarak iha sistema baze de dadus ne’ebe efikaz, kredivel, atualizadu, transparante no amizavel ba uzuariu sira ka user friendly no reflete duni realidade ne’ebe eziste iha eskola sira no iha Ministeriu nia laran.

“Ita hakarak baze de dadus ida ne’ebe ajuda Ministeriu ho nia parseiru sira, hatan duni ba nesesidade iha eskola sira, tuir prioritizasaun no politika ne’ebe defenidu ona”, dehan Dr. Armido Maia, 22/09.

Armindo Maia dehan pelumenus hosi nivel edukasaun pre-eskolar to’o sekundariu importante tebes hodi konjuga governu liu hosi MEJD, hodi halo politika, planu orsamentasaun monitorizasaun no hatoo relatoriu.

Partisipante hosi workshop ne’e mak mai hosi parseiro internasional no nasional sira, inklui mos pontu vokal munisipiu baze de dadus, Diretor Servisu Edukasaun municipal no reprezentante hosi eskola publika no privada sira

LEAVE A REPLY

Please enter your comment!
Please enter your name here