Home EduTek MEJD ho Embaixadór Xina Inaugura Dapur no Bee Moos Iha Eskola EBC...

MEJD ho Embaixadór Xina Inaugura Dapur no Bee Moos Iha Eskola EBC 123 Iha Darlau

169
0
Ministériu Edukasaun Juventude no Desportu (MEJD) ho Embaixadór Xina iha Timor-Leste liuhosi Programa Ai-han Mundial (WFP), inaugura dapur ho fasilidade bee moos. [Foto: David |08.04.2022]

Reportajen David da Costa Gusmao

Ministériu Edukasaun Juventude no Desportu (MEJD) ho Embaixadór Xina iha Timor-Leste liuhosi Programa Ai-han Mundial (WFP), inaugura dapur ho fasilidade bee moos iha Eskola Ensinu Baziku Central 123 Darlau, suku Becora, Postu Administrativu Kristu Rei, Munisipiu Dili.

Programa ida ne’e hanesan programa refeisaun eskolár, ho objetivu atu hadi’a bem estar no saude ba estudante sira, no mós atu kombate problema insegurasaun ai-han no malnutrisaun ne’ebé kontinua sai dezafiu bo’ot ba Timor-Leste.

Embaixadór Xina iha Timor-Leste, Xião Jianguo dehan hanesan dadus hatudu katak númeru mal nutrisaun iha Timor-Leste aas, nune governu Xina ho nia disponibilidade hakarak atu uza meiu ho plataforma ida ne’e, hodi tulun no oinsa atu resolve reduz hamlaha, oinsa atu mellora kondisaun atu kura mal nutrisaun iha Timor.

 “Tanba ne’e hau hakarak agradese tebes ho inaugurasaun ida ne’e, no Xina sei kontinua koopera hamutuk ho governu Timor-Leste,” dehan embaixadór Xina bainhira inaugura Dapur ho Bee moos iha eskolla EBC 123 Darlau, Sesta 8/07.

Reprezentante WFP iha Timor-Leste, Dagen Liu dehan ho kontribuisaun hosi governu china, no kolaborasaun servisu ho MEJD, WFP konsege halo ona konstrusaun dapur ba eskola no halo rehabilitasaun bee moos iha eskolla tolu ida maka EBC 123 Darlau. No WFP implementa ninia projetu pilotu hanaran programa saude eskola no nutrisaun.

“Hau agraderse tebes ba kooperasaun diak ida ne’e, no ami servisu hamutuk ho MEJD, hodi suporta nafatin iha programa saude eskola no nutrisaun, no ami sei kontinua ba iha eskola sira seluk,” tenik nia.

 Iha fatin hanesan Vise Ministeru Edukasaun Juventude no Desportu (MEJD), Antonio Guterres agradese tebes ba iha governu china ne’ebé maka apoiu ona eskola sira, ho apoiu hirak ne’ebé bele ajuda estudante sira.

Iha Programa ida ne’e hanesan doasaun ne’ebe governu china fó liuhosi WFP no WFP servisu hamutuk ho Minsteriu Edukasaun Juventude no Desportu (MEJD). No programa ida ne’e governu China Apoiu osan 1 Milaun ba iha eskola 5 iha Dili maka EBC Manleuana, EBC Metinaro, EBF Lelaus, EBF 12 Lebutun no EBC 123 Darlau.

Nune’e mós ohin governu china apoiu sasan ba iha eskola 5, sasan ne’ebé apoiu maka komputadór 5, kuadru mutin 100, kantil 3,200, bola 100, Audiu/Speaker 10. viola 10 no piano/ orgaun elektronik 10.

Print Friendly, PDF & Email

LEAVE A REPLY

Please enter your comment!
Please enter your name here