Home Notisia Relatorio WHO: Ema Nain 2 Tama Fasilidade Izolamentu, La iha Simtoma Novel...

Relatorio WHO: Ema Nain 2 Tama Fasilidade Izolamentu, La iha Simtoma Novel Coronavirus

236
0
Mapa Novel Coronavirus (Foto: saracarter.com)

Relatorio Organizasaun Saude Mundial (WHO) ho Ministeriu Saude, publika iha 4 Febreriru fo sai katak iha ema nain rua mak tama fasilidade izolamentu Hospital Nasional Guido Valares, maibe sira la kona simtomas novel coronavirus.

“Ema ho nasionalidade Timor nain 2 mak fila mai Dili iha 20 Janeiru 2020 hosi Wuhan, Xina tama bas ala observasaun iha fasilidade izolamentu Hospital Dili nudar medida preventive. Hosi ema nain 2 ne’e, nain 1 hasai hosi fatin izolamentu iha 31 Janeiru 2020, ida seluk sai iha 2 Janeiru 2020. Sira nia saude diak, la hetan simtomas ruma. Sira la iha risku ba saude publik nian,” Relatoriu Situasaun – 2, WHO ho Ministeriu Saude nian hatete.

Ministeriu Saude kontinua vijilante no prontu atu responde ba situasaun bainhira situasaun dezenvolve liutan.

Globalmente novel coronavirus konfirmadu ona iha kazu 1,7391. Iha Xina kazu todan liu iha 2,296, no hamate ona ema 361. Iha rai 24 seluk, iha kazu 153 mak konfirmadu ho kazu novel coronavirus, nain 1 mak mate. Avaliasaun WHO nian hatete katak risku iha Xina aas tebes, rikus aas iha rejiaun no global.

LEAVE A REPLY

Please enter your comment!
Please enter your name here