Home Notisia Embaixadór Brunei no Korea Súl Remata Sira Misaun Iha TL

Embaixadór Brunei no Korea Súl Remata Sira Misaun Iha TL

244
0
Embaixadór Brunei Darusalam, Haji Adnan Bin Haji Jafar no Embaixadór Korea Súl, Lee Chin Bum. [Foto: Santina Lucia da Costa | 17.11.2020]

Reportazen Santina Lucia da Costa

Embaixadór Brunei Darusalam iha Timor-Leste, Haji Adnan Bin Haji Jafar no Embaixadór Korea Súl iha Timor-Leste, Lee Chin Bum halo despedida ho Prezidente Repúblika, Dr. Francisco Guterres Lú Olo tanba sira nia misaun remata ona iha Timor-Leste.

Ba jornalista sira Embaixadór Brunei Darusalam iha Timor-Leste Haji Adnan Bin Haji Jafar, informa katak sorumutu ho Prezidente Republika hodi komprimenta Prezidente no fo adeus tanba misaun iha Timor remata ona no fo agredese ba serbisu hamutuk ne’ebe durante ne’e halao hamutuk ona.

“Hau agradese ba serbisu hamutuk ne’ebé durante ne’e fó ba ami embaixadór Brunei Darusalam”, hateten Embaixadór Brunei Darusalam iha Timor-Leste Haji Adnan Bin Haji Jafar ba jornalista sira hafoin remata enkontru ho Xefe Estadu iha Palásiu Prezidensiál Bairu-Pite, loron, 17/11.

Entretantu kooperasaun ne’ebé Timor ho Brunei Darusalam halo foka barak liu ba iha edukasaun, saude no kapasitasuan ne’ebe Brunei apoiu ba governu Timor-Leste. Alende ne’e nasaun rua ne’e mos sei halo akordu konaba aero nian, bainhira Timor-Leste remata ona nia peskiza

Embaixadór ne’e iha expektativa katak embaixadór foun ne’ebé sei mai, bele kontinua koopera hamutuk ho di’ak liután iha futuru.

Iha fatin hanesan Embaixadór Korea Súl iha Timor-Leste, Lee Chin Bum mos halo despedida ho Prezidente Republika, ho razaun hanesan katak misaun remata ona.

“Hau halo hau nia misaun tinan tolu ona iha Timor-Leste, misaun ida ne’e remata ona, ohin hau mai atu komprimenta Prezidente Repúblika tanba aban hau fila ba Korea ona”, dehan Lee Chin Bum.

Embaixador Korea Súl iha Timor-Leste afirma governu Korea iha ajensia kooperasaun KOICA iha ne’e, durante serbisu ho governu Timor-Leste, foka liu ba area importansia mak hanesan, edukasaun, dezenvolvimente rural, saúde no destakamentu traballadór timoroan iha Korea.

“Rezultadu ne’ebé durante hatudu iha hau nia misaun mak foin lalais ami iha area dezenvolvimentu rural ninian no governu Timor-Leste komprometidu atu implementa programa hirak ne’e ba Planu Dezenvolvimentu Suku iha tinan oin, hodi kontribui ba dezenvolvimentu iha area rural nian”, dehan Lee.

Nia realsa durante reuniaun, Prezidente Repúblika apresia ho kooperasaun ne’ebé nasaun rua halo ho susesu tebes iha area importante sira hanesan desloka traballadór timoroan ba serbisu iha Korea no seluk tan.

“Prezidente Repúblika mós esplika kona-ba kondisaun lei sira ne’ebé mak atu posibiliza investor hosi rai-liur liu-liu Korea bele mai investe iha Timor-Leste no Prezidente Repúblika apresia ho serbisu sira ne’ebé hau halo iha Timor”, akresenta Lee.

Ho nune’e Embaixador foun aban sei to’o ona iha Timor-Leste no sei kontinua kooperasaun nasaun rua ne’ebé iha ona.

“Embaixador foun aban sei to’o ona Timor-Leste nia mós ema militar hanesan hau, nia sei kontinua kooperasaun ne’ebé agora halo hela no sei hametin no habelar liu tan kooperasaun di’ak entre Korea ho Timor-Leste iha future”, relata Embaixador Korea Súl iha TL.

Print Friendly, PDF & Email

LEAVE A REPLY

Please enter your comment!
Please enter your name here